Na front jon pajšoŭ z kałonii, dzie apynuŭsia za zabojstva i zhvałtavańnie.
29‑hadovy Arciom Bučyn 28 žniŭnia 2022 hoda zhvałciŭ i zabiŭ miedsiastru ŭ horadzie Čusavy. Pa viersii śledstva, u toj dzień jon pasvaryŭsia ź siabrami i pajšoŭ na vulicu.
Jamu sustrełasia 23‑hadovaja miedsiastra Taćciana Rakucina, jana spytała ŭ jaho darohu, jon vyrašyŭ jaje pravieści. Pa darozie dziaŭčyna spałochałasia Arcioma i ŭdaryła jaho torbaj, jon razzłavaŭsia, zadušyŭ jaje, zhvałciŭ i dabiŭ kamieniem. Tady zabojcu prysudzili da 20 hadoŭ kałonii, choć prakuror prasiŭ dla jaho pažyćciovy termin, pišuć «Ostorožno, novosti».
Bučyn adsiedzieŭ paŭhoda i pajechaŭ na vajnu va Ukrainu praz PVK «Vahnier». Na froncie jon atrymaŭ ranieńnie, byŭ pamiłavany i nieŭzabavie znoŭ pryjechaŭ u Čusavy. Na voli jon viarnuŭsia da svajoj byłoj, i roŭna praz dva hady paśla pieršaha zabojstva — 28 žniŭnia 2024 hoda — Bučyn vypivaŭ razam sa svajoj byłoj žonkaj Kaciarynaj i pasvaryŭsia ź joj praz kureńnie.
Žančyna dała jamu aplavuchu, Arciom razzłavaŭsia i pačaŭ dušyć jaje. Na kryki prybiehła 7‑hadovaja dačka byłoj žonki Naścia ad pieršaha šlubu— jaje Arciom taksama zadušyŭ.
Paśla hetaha jon zhvałciŭ i zabiŭ ich. U Kaciaryny zastaŭsia maleńki syn: Bučyn zabiŭ žančynu i jaje dačku ad pieršaha šlubu, ale nie kranuŭ svajo dzicia.
Jon chavaŭsia ad palicyi nastupnyja try dni i paźniej byŭ zatrymany. Siońnia jaho prysudzili da pažyćciovaha źniavoleńnia. Miascovyja vydańni adznačajuć, što zabituju miedsiastru pachavali ŭsiaho za 200 mietraŭ ad Kaciaryny i jaje dački.
Ciapier čytajuć
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary