Kamu ź biełaruskich dziaciej nielha vučycca za miažoj? Minadukacyi prakamientavała našumieły zakon
Z 1 vieraśnia pačnuć dziejničać źmieny, uniesienyja ŭ Kodeks ab adukacyi. Adna z hałoŭnych — ciapier usie biełaruskija dzieci pavinny buduć naviedvać vyklučna biełaruskija škoły. A što z tymi, chto źjechaŭ za miažu pa DNŽ? Ministerstva adukacyi adkazała, jak traktavać zakon.
Ministerstva adukacyi patłumačyła, što nie dazvolena dystancyjnaje navučańnie ŭ škołach inšych dziaržaŭ dziaciej, jakija pražyvajuć u Biełarusi.
«Pry atrymańni adukacyi anłajn (dystancyjna) va ŭstanovach adukacyi inšych dziaržaŭ navučency nie vyvučajuć abaviazkovyja dla vyvučeńnia ŭ Respublicy Biełaruś vučebnyja pradmiety «Biełaruskaja mova», «Biełaruskaja litaratura», «Historyja Biełarusi», «Hieahrafija Biełarusi», — adznačaje viedamstva.
Kali ž dzicia zarehistravana ŭ Biełarusi, ale vyjechała na časovaje pražyvańnie ŭ inšuju krainu, to jano nie abaviazana vučycca ŭ biełaruskich škołach, himnazijach ci licejach.
«Baćkam budučych pieršakłaśnikaŭ, zarehistravanych u Respublicy Biełaruś, ale jakija žyvuć za jaje miežami, padavać u škołu paćviardžalnyja dakumienty nie patrabujecca», — paviedamiła ministerstva.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia66
Kamientary