Centralny Bataničny sad Minska rychtujecca da praviadzieńnia atmaśfiernaha letniaha open-air — fiestyvalu «Kupalskija ahni», što zapłanavany na 4‑5 lipienia.
Haściej čakajuć vidoviščnaje vohniennaje šeście, majstar-kłas pa placieńni viankoŭ i ich spusk na vadu, žyvaja muzyka, histaryčnyja rekanstrukcyi i šmat inšaha, piša Tochka.by.
Adznačać Kupalle ŭ centry Minska ŭ Bataničnym sadzie stanovicca dobraj tradycyjaj. Fiestyval pravodzicca nie ŭpieršyniu, i ŭ 2025 hodzie asabliva ŭraziŭ hledačoŭ masavym vohniennym šeściem z pachodniami da voziera, dzie ŭviečary na vadu byli spuščany tysiačy viankoŭ.
Letam 2026 hoda kupalskija abrady i tradycyi taksama stanuć hałoŭnaj častkaj prahramy, a kulminacyjaj budzie viačerniaje vohniennaje šou ad adnaho z hałoŭnych staličnych teatraŭ ahniu.
Jak adznačajuć arhanizatary, «Kupalskija ahni» — heta nie tolki pra zabavy i adpačynak. Fiestyval znajomić haściej z historyjaj, adradžaje abrady i ramiostvy, stvaraje prastoru žyvoha dyjałohu pakaleńniaŭ.
«My chočam, kab kožny hość nie prosta naziraŭ, a pražyvaŭ tradycyju: plaŭ vianki, paznavaŭ sensy kupalskich piesień i simvałaŭ, udzielničaŭ u majstar-kłasach i abradavych dziejańniach», — kažuć arhanizatary.
Asabliva adznačajecca vohniennaje šeście, jakoje abjadnoŭvaje ludziej vakoł ahulnaha vohnišča, pavahi da pryrody i ahulnych kaštoŭnaściej.
Jašče i rycarski turnir
U dni fiestyvalu ŭ Bataničnym sadzie razhorniecca ceły rycarski łahier z rekanstrukcyjaj histaryčnych turniraŭ.
U prahramie — falkłornyja vystupy, kirmaš ramiostvaŭ, siamiejnyja hulni, placieńnie viankoŭ i pošuk paparać-kvietki ŭ hłybini sadu, duchoŭnyja praktyki, zony miedytacyi i adpačynku.
Naviedać fiestyval možna ŭsioj siamjoj. Dla samych maleńkich haściej praduhledžana vialikaja dziciačaja zona z hulniami i sučasnaj animacyjaj. Padčas i paśla aktyŭnaha adpačynku pierakusić možna budzie na fud-korcie z raznastajnaj kuchniaj.
Kvitki na fiestyval možna budzie nabyć na miescy ŭ kasach Bataničnaha sadu, a ŭžo ciapier jany dastupnyja anłajn u biletnych apierataraŭ.
-
Respublikanski teatr biełaruskaj dramaturhii pastavić nie biełaruskuju dramaturhiju i nie na biełaruskaj movie
-
Jeździli letam da babuli ŭ viosku? Konkurs «Viki lubić vioski» źbiraje lubyja zdymki 23 tysiač miastečak, viosak i chutaroŭ Biełarusi
-
Vietkaŭskuju kalekcyju čakannych akładaŭ na abrazy ŭpieršyniu pradstaviać u Nacyjanalnym mastackim muziei
Ciapier čytajuć
«Źnik bieź źviestak» vielmi małady biełaruski najomnik12
«Źnik bieź źviestak» vielmi małady biełaruski najomnik
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny77
Kamientary