Błohierka, što pierajechała ź Piciera pad Minsk, skardzicca, što nivodzin zabudoŭščyk nie źviarnuŭsia da jaje pa rekłamu
Błohierka vykłała pra heta dopis u treds, aŭdytoryja ŭźniałasia na dybki. Ale sieladcy i Nissan jana pijaryć paśpiachova.
Błohierka nie razumieje zabudoŭščykaŭ
«Troški pra situacyjny markietynh u Biełarusi. Ja błohierka. Paŭhoda vybirała sabie kvateru, jeździła pa roznych zabudoŭščykach, heta značyć, była realnym klijentam z hrašyma.
Kolki ŽK napisali z kamiercyjnaj prapanovaj / kupili ŭ mianie rekłamu / prapanavali supracoŭnictva? Nul», — paskardziłasia ŭ Treds błohierka.
Aŭdytoryja Treds mierkavańnie błohierki nie padzialiła
«Kali jašče karaciej — u adździełach markietynhu ŽK pracujuć kampietentnyja śpiecyjalisty, jakija razumiejuć, što aŭdytoryja, jakaja padpisałasia za rozyhryš vafielnicy ŭ hivie, — nie ich metavaja aŭdytoryja», — napisaŭ adzin z kamientataraŭ i nabraŭ za sutki amal 2600 łajkaŭ, što zrabiła jaho samym papularnym u halincy. I heta pry tym, što sam dopis Aleny maje ŭsiaho 137 padabajek.
Inšyja tłumačać adsutnaść cikavaści da jaje asoby z boku zabudoŭščykaŭ tym, što rynak žylla ŭ Biełarusi nastolki raskručany, što błohierka sa 100 tysiač (u Aleny 121 tysiača ŭ instahramie — NN) padpisčykaŭ ničoha im nie zmoža prapanavać.
«Asabliva ŭličvajučy, što vy nie profilny błohier, jaki zmoža sapraŭdy jakasna pradać pradukt i ŭ jakoha profilnaja aŭdytoryja», — piša inšy kamientatar.
«A što vy im chacieli prapanavać? Ciapier kvatery i tak razychodziacca jak haračyja piražki, navat rekłamavać nie treba», — napisała inšaja kamientatarka.
«Alena, podbieham hlanuła vaš błoh: kuča piarestaj rekłamy, nakrutka, sam farmat błoha — pra ŭsio i ni pra što. Vy možacie kolki chočacie fantaziravać, ale ludzi ž nie durni. Nu jakoje z vami supracoŭnictva ad zabudoŭščyka?» — zadajecca pytańniem inšaja dziaŭčyna.
Adzin z kamientataraŭ źviarnuŭ uvahu, što błohiercy varta było samoj prajavić inicyjatyvu pry pošuku rekłamadaŭca.
«Vy nie kazali, što šukajecie kvateru. Kupili i abviaścili pra fakt. Ci vas pavinien byŭ paznać kožny mieniedžar pa prodažach nieruchomaści i zrabić carskuju prapanovu?
Nu, mabyć, nie nastolki vy krutaja, abo na rynku chapaje ekśpiertaŭ z napracavanaj reputacyjaj, da jakich davieru kudy bolš, čym da błohiera, jaki to makaronu rekłamuje, to pančochi, to jašče jakuju nieviadomuju prapłačanuju fihniu», — napisaŭ karystalnik.
Chto takaja Alena Hłod?
Žančyna rodam z Rasii. Kali joj było 24 hady, vyjšła zamuž i pierajechała z Sankt-Pieciarburha ŭ Biełaruś. Žyvie tut užo 13 hadoŭ.
Alena aktyŭna pačała vieści svoj błoh ź leta 2017 hoda, kali ź siamjoj pierabrałasia ŭ Zasłaŭje. Tady maładaja maci ŭ dekrecie raskazvała pra budaŭnictva.
Jak raspaviadaje sama Alena, błoh patrochu ros, i jana pačała znajomicca ź inšymi biełaruskimi błohierami i praviała svoj pieršy sumiesny rozyhryš. Pa słovach Hłod, tyja błohiery ŭžo mieli dachody z rekłamy, ale ź nichto ź biełaruskich brendaŭ nie chacieŭ supracoŭničać ź joj, bo na toj momant 80% jaje aŭdytoryi byli z Rasii.
Tamu jana pačała aktyŭna pracavać nad tym, kab naroščvać mienavita biełaruskuju aŭdytoryju.
Praź niejki čas jana sapraŭdy znajšła biełaruskich padpisčykaŭ i pačała atrymlivać rekłamnyja prapanovy ad miascovych brendaŭ.
Rekłamy ŭ Aleny Hłod sapraŭdy šmat
Rekłama ŭ Aleny źjaŭlajecca davoli časta. Jana rekłamuje kaśmietyku, marožanaje, sieladcy, aŭtakomis, akcyi ŭ «Jeŭraopcie», artykuły z OZON i navat dylera Nissan u Minsku.
Ciapier u błohierki 121 tysiača padpisčykaŭ u instahramie, amal 21 tysiača ŭ treds i 5400 u telehramie, dzie Alena dzielicca ŭ tym liku dumkami i asabistym.
Apošni dopis u jaje telehram-kanale pryśviečany situacyi ŭ Piciery, dzie žyvuć jaje baćki. I jon davoli praŭdzivy.
«U jaki ahidny čas my žyviom i jak byccam biez nadziei na raniejšaje vydatnaje mirnaje žyćcio», — skardzicca błohierka, apisvajučy naviny ź Pieciarburha.
«Maje baćki žyvuć u miescy, jakoje biaskonca pad atakaj. Užo navat pryvykli, ale situacyja tolki paharšajecca, stanovicca bolš niebiaśpiečnaj, chto čytaŭ naviny — viedaje», — napisała jana ŭ svaim telehram-kanale.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary