U Minsku zdajuć u arendu mikrakvateru płoščaj 10 «kvadrataŭ»
Žyłaja płošča — vosiem kvadrataŭ. Cana arendy?
Mikrakvatery — zvykłaja źjava dla miehapolisaŭ nakštałt Maskvy, Paryža, Tokia. A voś u Minsku takoje žyllo masava nikoli nie budavałasia i źjaŭlajecca chutčej vyklučeńniem. Ale voś źjaviŭsia adzin varyjant u staroj chruščoŭcy na vulicy Rozy Luksiemburh, piša Onliner.by.
Adras doma — vulica Rozy Luksiemburh, 82. Raźmiaščeńnie ŭ piacipaviarchovaj budynku dobraje: pobač mietro «Hrušaŭka», prypynak hramadskaha transpartu, novabudoŭli, hatel. Sam ułaśnik nazyvaje svaju nieruchomaść mikrastudyjaj. Ahulnaja płošča pamiaškańnia — 10 kv. m, ź jakich na žyłuju adviedziena 8 kv. m.
— Studyja paśla ramontu, ukamplektavana nieabchodnaj meblaj i technikaj dla kamfortnaha pražyvańnia, — piša aŭtar abjavy. — Kuchonnaja mebla z chaładzilnikam, nastolnaja indukcyjnaja plita i mikrachvaloŭka. Na padłozie kieramahranit, akno sa škłopakietami, dźviery z zamkom-viartuškaj.
Sanvuzieł: usie pavierchni ŭ kieramičnaj plitcy, jość duš, unitaz, rukamyjnik i lusterka. Ustalavana pralna-sušylnaja mašyna. Vydajecca kamplekt paścielnaj bializny i posud pry nieabchodnaści.
Kolki ž kaštuje taki varyjant časovaha žylla? Źniać jaho možna jak na karotki termin, naprykład na tydzień, tak i na doŭhi. Tydzień acenieny na 350 rubloŭ, dva tydni kaštavaćmie 500 rubloŭ, a za miesiac pryjdziecca vykłaści 850 rubloŭ. Što cikava, kamunalnyja płaciažy ŭžo ŭklučany ŭ hetyja staŭki.
— Heta idealny varyjant dla adnaho maładoha samastojnaha čałavieka, dla kamandziroŭki abo vučoby, — ličyć ułaśnik.
Miesiac arendy ŭ mikrastudyi acenieny na $300 pa kursie.
U dobryja dla arandataraŭ časy heta była siaredniaja cana adnapakajovaj kvatery pa Minsku.
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ35
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary