Što z vyjezdam ź Biełarusi ŭ ES hetym letam?

Polšča

Minułym letam na miažy z Polščaj pracavali ŭsiaho dva punkty propusku: «Brest» dla pasažyrskaha ruchu i «Kazłovičy» dla hruzavoha.

Letaś na «Breście» ŭžo pačynajučy z 5 červienia było sapraŭdnaje piekła. U čarzie na vyjezd stabilna było ad 1300 da 2000 lehkavych aŭto.

Pavialičyć

Na vielizarnaj čarzie dobra zarablali ludzi, jakija majuć prava na pazačarhovy prajezd, — za svaje pasłuhi jany brali ad 100 da 200 dalaraŭ ci jeŭra ŭ zaležnaści ad čarhi.

Nie mienš napružanaj była situacyja z aŭtobusami, jakich było kala 40—50 štuk u čarzie na vyjezd.

Jak ciapier?

Hetym letam situacyja ŭ «Breście» vyhladaje kudy mienš napružanaj. Ciaham 16 červienia było ad 200 da 400 lehkavikoŭ, što ŭ niekalki razoŭ mienš, čym letaś. Tym bolš užo kala 10‑j ranicy 17 červienia čarha ź lehkavych razyšłasia.

Z aŭtobusami situacyja padobnaja. Kali hod tamu ich było kala 40—50, to ciapier — 25—40, a 17 červienia ŭsiaho kala 10.

Što pa časie?

U noč na 16 červienia aŭtobus pierasiakaŭ biełaruska-polskuju miažu ŭ PP «Brest» amal dzieviać hadzin. U noč na 17‑ie prachod miažy na aŭtobusie zajmaŭ kala siami hadzin.

Aŭtobus, jaki a 20‑j vyjechaŭ ź Minska, pierasiok miažu a 12‑j hadzinie nastupnaha dnia.

Pavialičyć

U toj ža čas aŭtobus, jaki vyjechaŭ ź Minska a 17-j, ale jechaŭ praz «Bierastavicu», pierasiek miažu praz vosiem hadzin paśla prybyćcia.

Paźniej padarožniki, jakija jechali praz «Bierastavicu» z Hrodna ŭ Varšavu, adspravazdačylisia, što ŭnačy prachodzili miažu aŭtobusam ciaham piaci hadzin.

U noč na 17 červienia i paźniej pišuć, što prachod miažy zajmaje kala siami hadzin.

Što da čarhi z aŭtobusaŭ, to ŭ adroźnieńnie ad «Bresta» na «Bierastavicy» jaje amal nikoli nie byvaje, tamu mnohija minčuki namahajucca nabyvać bilety na maršruty mienavita praz «Bierastavicu».

U «Bruzhach» ruch adkryty tolki dla lehkavych aŭto, tamu aŭtobusy praź ich, jak i hruzaviki, pakul nie prajazdžajuć.

Čerhi ź lehkavych aŭto ŭ «Bruzhach» i «Bierastavicy» hetym letam časam nazirajucca.

Pavialičyć

Naprykład, u pieršaj pałovie dnia 17 červienia ŭ «Bruzhach» kala dvuch-troch dziasiatkaŭ lehkavikoŭ čakali ŭ čarzie na vyjezd ź Biełarusi ŭ Polšču.

Litva

Ludzi, jakija 17 červienia pierasiakali miažu aŭtobusami praz «Kamienny Łoh», spravazdačacca, što ŭsio było davoli chutka. Načny rejs dabraŭsia ź Minska ŭ Vilniu za piać z pałovaj hadzin, a ranišni — za piać, navat z ulikam dadatkovaj pravierki aŭtobusa na litoŭskim baku.

Ale i heta nie samy chutki kiejs. Aŭtobus, jaki vyjechaŭ ź Minska 16 červienia a 19:30, pryvioz pasažyraŭ u Vilniu praz 4 hadziny 35 chvilin. Atrymlivajecca, što apošnimi dniami ź Minska ŭ Vilniu dabirajucca za 4,5—6,5 hadziny.

Niama čerhaŭ z aŭtobusaŭ i na «Bieniakoniach». Aŭtobus, jaki vyjechaŭ z Hrodna ŭnačy a 2:50, u Vilni byŭ užo a 8:20 ranicy. Sam prachod miažy z abodvuch bakoŭ zaniaŭ 2 hadziny 10 chvilin.

Pavialičyć

Načny aŭtobus ź Minska, jaki taksama jechaŭ praz «Bieniakoni», prajšoŭ miažu za dźvie hadziny. Šlach ź Minska ŭ Vilniu takim čynam zaniaŭ biez małoha šeść hadzin.

Unačy 16 červienia adzin z aŭtobusaŭ pierasiok abiedźvie miažy ŭsiaho za 1 hadzinu 45 chvilin.

Što da lehkavikoŭ, to ŭ «Kamiennym Łohu» čarha ŭ 80—120 mašyn nie takaja ŭžo i redkaść, a voś u «Bieniakoniach» čaściej za ŭsio čarhi niama abo jana składajecca ź niekalki dziasiatkaŭ aŭto.

Łatvija

Na miažy z Łatvijaj u adzinym dziejnym punkcie «Hryharoŭščyna» čerhaŭ niama, pryčym ź lubym vidam transpartu. Aproč taho, što sama Łatvija tradycyjna karystałasia najmienšym popytam u biełarusaŭ, hetaja kraina ŭviała šmatlikija abmiežavańni, jakich niama ni ŭ Polščy, ni ŭ Litvie, tamu ruch tam minimalny.

• 0
• 0
• 1
• 0
• 0
• 0
• 0
• 0