U Breście viernicu adpravili ŭ izalatar za vielikodnyja razmovy ź minakami na vulicy
U Breście siłaviki zatrymali 23‑hadovuju chryścijanku-baptystku Natallu Bandaruk. Dziaŭčynu adpravili ŭ izalatar časovaha ŭtrymańnia, piša «Chryścijanskaja vizija». Siłaviki vyličyli jaje pa instahramie.
23‑hadovuju chryścijanku-baptystku Natallu Bandaruk abvinavačvajuć u praviadzieńni «nielehalnaha mitynhu» za toje, što ŭ dzień Vialikadnia jana razam ź siabrami razmaŭlała na vulicy ź minakami pra relihijnaje śviata i pakazvała adpaviednyja karciny.
Historyja pačałasia jašče 12 krasavika na papularnaj piešachodnaj vulicy Savieckaj. Tady milicyja spakojna prachodziła mima i nie mieła nijakich pretenzij da viernikaŭ. Adnak praz dva miesiacy paśla publikacyi fotazdymka ŭ instahramie Natallu vyklikali na dopyt, jaki doŭžyŭsia bolš za try hadziny: ad dziaŭčyny ŭ hrubaj formie i z pahrozami patrabavali «zdać» imiony inšych udzielnikaŭ vuličnaj sustrečy, paśla čaho ŭ kajdankach pavieźli ŭ IČU.
Adnadumcy dziaŭčyny zajaŭlajuć, što heta nie byŭ pikiet. Natalla Bandaruk źjaŭlajecca siastroj byłoha palitviaźnia Daniiła Bandaruka.
P. S. Paźniej «Chryścijanskaja vizija» apublikavała infarmacyju, što «Natalla Bandaruk užo na svabodzie — jana paviedamiła ŭ sacsietkach, što ź joj usio dobra, i niama patreby pisać listy ci padymać niejkuju paniku».
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?22
Kamientary
Chryścijanskija zapaviedzi — «Nie zabivaj», «Nie kradzi», «Lubi bližniaha» — śpiecyjalna zabaronieny.
Hetyja zapaviedzi dyskredytujuć rasijskuju armiju i hrupu «Vahnier».
Koŭł ža jašče pajedzie ŭ Miensk, mabyć?
Socsietki jeść što ŭ Koŭła što ŭ Hrema. A voś anhłamoŭnaj viersii NN nažal niama.
Zamiest navin pa rasiejskaj dobra było b ka b była anhłamoŭnaja viersija.