Cichanoŭskaja pra vysyłku ź Biełarusi ŭ žniŭni 2020: Mnie dali na zbory 20 chvilin
U intervju Bi-bi-si demakratyčnaja lidarka padrabiazna raspaviała pra momant prymusu da vyjezdu ź Biełarusi ŭ žniŭni 2020 hoda i razmovu z supracoŭnikami KDB. Uryvak ź intervju pryvodzić jaje telehram-kanał.
«Na nastupny dzień paśla vybaraŭ ja pajšła ŭ Centralnuju vybarčuju kamisiju z dakumientam, dzie biełaruski narod zajaŭlaŭ, što jon suprać falsifikacyj i patrabuje pieraliku hałasoŭ. Kali pryjšła ŭ CVK, mianie sustreli dva supracoŭniki KDB. Jany zaviali mianie ŭ asobny pakoj i pačali razmovu.
Jany pačali zapałochvać, šantažavać maimi dziećmi. Kazali, što viedajuć, dzie jany znachodziacca. I tak lohka viarnuć ich u Biełaruś (heta fraza była ŭ intervju, ale adsutničała ŭ pieršasnaj viersii tekstavaha pierakazu — NN). Što ja budu zatrymanaja. Što ź imi zrobiać u dziciačym domie. Što ja nie ŭbaču, jak jany rastuć.
Ja — maci. Mnie detalova apisali, što čakaje maich dziaciej u dziciačym domie. A starejšamu synu patrebnyja śpiecyjalnyja kachlearnyja impłantaty, batarejki, čystka. Heta było dadatkovym ciskam. Ja razmaŭlała ź imi try hadziny.
Prasiła: «Ludzi chočuć pieramien. Im patrebnyja svabodnyja vybary. Davajcie pačniom dyjałoh». Ale jany byli ŭpeŭnienyja, što kali prymusiać mianie źjechać, ludzi nie vyjduć na vulicy.
Praz try hadziny ja paddałasia, bo maja ŭnutranaja maci vyjhrała baraćbu. Heta byŭ žachliva balučy vybar. Ja nie mahła pavieryć, što pavinna pakinuć krainu. Mnie zdavałasia, što ludzi ŭsprymuć heta jak zdradu. Ale ja zrabiła hety vybar.
Jany zahadali zapisać videa — niešta absalutna ahulnaje, što «nie treba pralivać kroŭ». I dali mnie 20 chvilin sabracca. Ja ŭziała tolki maleńki zaplečnik z dakumientami.
Nas advieźli da miažy. Ja nie mahła pavieryć, što mianie ŭžo niama ŭ krainie. Ja adrazu zapisała videa: «Ja vyjechała z krainy. Mnie vielmi škada». Ščyra kažučy, ja była ŭpeŭnienaja, što ludzi ŭsio spyniać. Što jany mianie padtrymajuć. Ja adčuvała siabie zdradnicaj.
Ale ja tak udziačnaja biełarusam, što jany skazali: «Słuchaj, lepš tabie być na voli i praciahvać zmahańnie, čym siadzieć u turmie». I ludzi ŭ Biełarusi sami arhanizavalisia. Im nie byŭ patrebny lidar. Heta była sapraŭdnaja narodnaja revalucyja».
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny15
Kamientary
Bo mienavita na mižnarodnym uzroŭni zaraz vyrašajecca los krainaŭ rehijonu i vybudoŭvajecca novaja architektura biaśpieki i rehijonu, i śvietu.