U čarzie na miažy Polščy ź Biełaruśsiu źjavilisia «žoryki». Chto heta i čamu ich nie lubiać?
Raniej turystaŭ na biełaruska-polskaj miažy ŭžo turbavali «toliki» — ludzi, jakija biessaromna ŭłazili ŭ čarhu. Ciapier da ich dałučylisia «žoryki». BGmedia raspaviadaje, chto heta takija.
«Žorykami» u čatach pa prachodžańni biełaruska-polskaj miažy nazvali ludziej, što vyjazdžajuć ź Biełarusi i razvaročvajucca nazad na KPP. Tam jany fatahrafujuć svajo aŭto ŭ čarzie i źjazdžajuć u Polšču pa spravach. A pa viartańni pakazvajuć, nibyta zaŭsiody čakali na miescy.
U čacie adzin z kiroŭcaŭ bolš padrabiazna patłumačyŭ, jak pracuje heta «banda działkoŭ»:
«Adzin čałaviek visić na telefonie prosta kala šłahbauma i kaardynuje druhoha, jaki daje sihnał kiroŭcam mašyn, jakija papiarednie zajechali na stajanku kala ŭjezdu ŭ punkt propusku.
I ŭ momant, kali pavinien adkrycca šłahbaum, zmučanyja ludzi, jakija sumlenna adstajali sutki i bolš u čarzie i jakija stracili reakcyju, nie paśpiavajuć adreahavać i prapuskajuć niahodnikaŭ, jakija biez čarhi sa stajanki pa kamandzie druhoha działka nyrajuć prosta pad šłahbaum, ad 2-3 mašyn i da 10 adrazu. Pakul ludzi la šłahbauma pačynajuć ciamić, padonki ŭžo praskokvajuć biez čarhi», — raskazaŭ jon.
Niekatoryja karystalniki zaŭvažyli, što časta ŭ takich ludziej jość svaje mašyny ŭ čarzie — kali inšym treba chutčej prajechać da šłahbauma, tyja mašyny «tupiać», marudziać i nie dajuć prajechać. U hetyja momant działki paśpiavajuć praskočyć biez čarhi.
Biełarusy z čata taksama prydumali, jak zmahacca z takimi pradprymalnikami. Kažuć, treba fizična nie davać im prajechać, fatahrafavać i vyklikać polskuju palicyju:
«Kali chočacie stajać u čarzie krychu mienš, to rabicie videa tych, chto załazić. Heta aktualna ad pavarotu na Okšyn i da šłahbauma [punkta propusku «Tarespal»], tam sucelnaja linija. Potym vyklikajcie palicyju pa numary 478-149-210 i kažacie, što pierasiakajuć sucelnuju liniju, nazyvajcie ŭčastak ad Okšyna da miažy. Kali budzie jechać palicyja, padychodźcie da ich i pakazvajcie videa, bo «toliki» padychodziać pieršymi i kažuć, što toj, chto vyklikaŭ, užo źjechaŭ».
Ciapier čytajuć
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2323
Kamientary