Adkaznaść za błekaut na poŭdni Francyi ŭziali na siabie anarchisty, ale heta moža być i niapraŭda
Adkaznaść za maštabnyja zboi ŭ elektrazabieśpiačeńni na Francuzskaj Ryŭjery ŭziali na siabie anarchisty, pra heta havorycca ŭ ich ananimnaj zajavie, jakuju pieradali ŭ prakuraturu francuzskich akruhaŭ Hras i Drahińjan, piša Deutsche Welle.
Zajava była apublikavana 25 maja na adnym z veb-sajtaŭ, jaki kirujecca aktyvistami ultralevaha ruchu. U joj aŭtary pradstaŭlajucca jak dźvie «hrupy anarchistaŭ», jakija biaruć na siabie adkaznaść «za ataku na abjekty elektrazabieśpiačeńnia na Błakitnym bierazie».
«Napiaredadni cyrymonii ŭručeńnia ŭznaharod Kanskaha kinafiestyvalu i hała-viečaryny my vyvieli z ładu asnoŭnuju padstancyju, što siłkuje ahłamieracyju Kany, i pierapilili liniju elektrapieradačy 225 kV, jakaja idzie ź Nicy», — havorycca ŭ zajavie.
Aŭtary dadajuć, što «dla abarony svaich ideałaŭ» jany chacieli pakinuć biez elektryčnaści navukova-daśledčyja centry, avijacyjnyja i aerakaśmičnyja pradpryjemstvy, startapy, aeraport i inšyja pramysłovyja, vajennyja i technałahičnyja abjekty rehijona.
Dakładnaść zajavy pakul nie paćvierdžanaja. Imiem anarchistaŭ mohuć prykryvacca i zamiežnyja dyviersanty.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary