U francuzskich Kanach, dzie siońnia zakryvajecca kinafiestyval, adklučyłasia elektryčnaść
Elektryčnaść siońnia adklučyłasia na poŭdni krainy, heta zakranuła i kurortny horad.
Kanski kinafiestyval paviedamiŭ, što jaho cyrymonija zakryćcia ŭ subotu ŭviečary adbudziecca pavodle płana, niahledziačy na maštabnaje adklučeńnie elektryčnaści, jakoje abiastočyła Kan i rehijon Marskija Alpy, pišaDeadline.
Cyrymonija zakryćcia Kanskaha fiestyvalu pavinna pačacca ŭ 18:40 pa miascovym časie (19:40 pa Minsku).
Krytyki Deadline pradkazvajuć uznaharody dla filmaŭ «Sientymientalnaja kaštoŭnaść» Joakima Tryjera, «Heta byŭ prosta niaščasny vypadak» Džafara Panachi i «Huk padzieńnia» Mašy Šylinski.
Elektryčnaść u Kanach źnikła prykładna a 10 ranicy pa miascovym časie (11 pa Minsku). Śviatło było adklučana ŭ kramach i restaranach, jakija mahli prymać tolki najaŭnyja. Atrymlivać najaŭnyja było składana, bo bankamaty taksama nie pracavali.
Śviatłafory taksama nie pracavali, što vyklikała zatory na darohach. Taksama byŭ zakranuty internet: papularnyja dadatki, takija jak WhatsApp, pieryjadyčna nie pracavali.
«Śviatło adklučana pa ŭsich Kanach, ale ŭ Pałacy fiestyvalaŭ śviatło jość. Usio pracuje jak zvyčajna, i ranišniaja pres-kanfierencyja z Kieli Rajchardt prajšła biez prablem», — paviedamiŭ Entani D'Alesandra z Deadline.
Radyjo France Info paviedamiła, što 160 000 damoŭ u rehijonie paciarpieli ad adklučeńnia, jakoje było vyklikana padzieńniem linii elektrapieradačy.
«Pałac fiestyvalaŭ pieraklučyŭsia na niezaležnuju sistemu elektrazabieśpiačeńnia, što dazvoliła ŭsim zapłanavanym mierapryjemstvam i pakazam, uklučajučy cyrymoniju zakryćcia, prajści pavodle płana i ŭ zvyčajnych umovach», — havorycca ŭ zajavie fiestyvalu.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary