Łukašenka pachvaliŭsia, što jamu na dzień naradžeńnia padaryli ŭsiudychod
Na naradzie z čynoŭnikami pa pytańni adkidaŭ Łukašenka paličyŭ patrebnym pradstavić siabie ŭ vyhladzie dynamičnaha kiraŭnika, jaki ŭvieś čas znachodzicca ŭ ruchu i asabista naviedvaje samyja dalokija i zakinutyja kutki. Robić jon heta nibyta na ŭłasnym usiudychodzie.
«Vy viedajecie, ja čałaviek ruchavy, ja mahu pahladzieć. Voś, naprykład, ja abjechaŭ u subotu za ceły dzień usie vioski poŭnačy Minskaha rajona. Sieŭ i pajechaŭ, usiudychod u mianie jość. Na dzień naradžeńnia padaryli, nie za dziaržaŭny košt. Voś ja i abjazdžaju — hladžu pali, hladžu, jak vy tam haspadarycie», — zajaviŭ Łukašenka, apisvajučy pierad čynoŭnikami žachi zaniadbanaści prystaličnaha rehijona.
Chto mienavita i kali jamu padaryŭ hety ŭsiudychod, Łukašenka nie ŭdakładniŭ.
U 2017 hodzie Łukašenka ŭžo źjaŭlaŭsia na publicy na kvadracykle, ale małavierahodna, što praz 8 hadoŭ havorka idzie pra tuju ž samuju mašynu.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary