Łukašenku prapanavali zdabyvać redkaziamielnyja elemienty z pramysłovych adkidaŭ
Ministerstva pryrodnych resursaŭ Biełarusi prapanavała vykarystać rasijski vopyt u zdabyvańni redkaziamielnych mietałaŭ z pramysłovych adkidaŭ. Pra heta paviedamiŭ kiraŭnik viedamstva Siarhiej Maślak na naradzie ŭ Alaksandra Łukašenki, pryśviečanaj pytańniam abychodžańnia z adkidami.
Premjer-ministr Alaksandr Turčyn patłumačyŭ, što adkidy ŭ Biełarusi dzielacca na pramysłovyja i bytavyja. Asabliva šmat pramysłovych adkidaŭ nazapašana na «Biełaruśkalii» i Homielskim chimičnym zavodzie. Pavodle jaho słoŭ, jany ciapier nijak nie pierapracoŭvajucca.
Za 2024 hod u Biełarusi ŭtvaryłasia 60 miljonaŭ ton adkidaŭ, ź ich 56 miljonaŭ — pramysłovyja. 70% ź ich — heta fosfahips (bolš za 26 miljonaŭ ton ad Homielskaha chimzavoda) i halitavyja adkidy z «Biełaruśkalija».
U Rasii ŭžo raspracavali technałohii, jakija dazvalajuć zdabyvać redkaziamielnyja elemienty z fosfahipsu. U Biełarusi prapanujecca vyvučyć, ci možna prymianić hety vopyt.
U adnoj tonie fosfahipsu, jak śćviardžaje Siarhiej Maślak, jość kala 0,5% redkaziamielnych mietałaŭ, akramia taho, atrymlivajecca i štučny hips, jaki, mahčyma, navat lepšy za pryrodny.
Maślak prapanavaŭ daručyć Akademii navuk vyvučyć rasijski vopyt i, kali heta budzie metazhodna, pastavić adpaviednaje abstalavańnie na Homielskim chimzavodzie. U budučyni možna budzie pryniać rašeńnie i pra budaŭnictva zavoda dla zdabyčy redkaziamielnych elemientaŭ u bolšym abjomie.
Pavodle jaho słoŭ, taki pradukt moža stać ekspartna pryvabnym i zaniać svaju nišu dla Biełarusi.
Ciapier čytajuć
«Franak, adnosiny pamiž ludźmi mohuć budavacca nie tolki na manipulacyjach». Prakop‘jeŭ daŭ vodpaviedź Biaspałavu. I Viačorku44
Kamientary