U Hrodnie ŭpaŭ dron, jaki raskidaŭ bieł-čyrvona-biełyja ściažki. U hetym abvinavačvajuć Litvu
Ministerstva zamiežnych spraŭ Biełarusi abvinavaciła Litvu ŭ parušeńni pavietranaj prastory bieśpiłotnikam.
Jak paviedamlaje MZS, 30 listapada latalny aparat samalotnaha typu pierasiek miažu z boku Łaździjskaha rajona Litvy i ŭpaŭ na terytoryi Hrodna.
Jak śćviardžajuć u viedamstvie, analiz abłomkaŭ pakazaŭ prakładzieny maršrut: dron pavinien byŭ pralacieć nad Biełaruśsiu, dalej vyjści ŭ Polšču, a paśla viarnucca ŭ miesca zapusku ŭ Litvie.
Razmach kryłaŭ bieśpiłotnika — 1,5 mietra, daŭžynia drona — 91 sm. Unutry, zajavili ŭ siužecie BT, navihacyjnaje abstalavańnie, videakamiera, dźvie karty pamiaci na 32 hihabajty.
«Na łopaściach majucca adznaki Aeronaut Camz Carbon i adras niamieckaha sajta-vytvorcy aeronaut.de», — zajavili na BT.
Milicyja narakaje, što dron raskidvaŭ maleńkija papiarovyja bieł-čyrvona-biełyja ściažki.
«Minsk rasceńvaje incydent jak naŭmysnuju pravakacyju. Biełaruski bok patrabuje ad Litvy: dać padrabiaznuju infarmacyju pra incydent, pravieści rasśledavańnie i pryciahnuć vinavatych da adkaznaści, pryniać miery dla niedapuščeńnia paŭtareńnia padobnych vypadkaŭ. Biełaruś pakidaje za saboj prava na nieabchodnyja miery dla abarony suvierenitetu», — havorycca ŭ paviedamleńni MZS.
U MZS vyklikali časovaha pavieranaha ŭ spravach Litvy Erykasa Viłkaniecasa i vykazali jamu aficyjny pratest.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca8
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary