Łukašenka: Minski rajon — heta prybiralnia horada-hieroja Minska
Alaksandr Łukašenka raskazaŭ, jak žachnuŭsia niesankcyjanavanym zvałkam u Minskim rajonie. Pra heta jon raspavioŭ na naradzie pa pytańniach abychodžańnia z adkidami i vykarystańnia druhasnych materyjalnych resursaŭ.
Łukašenka skazaŭ, što pakul poŭnaściu nie vyrašany pytańni kantejniernaha zboru kamunalnych adkidaŭ. «Dačniki, žychary małych haradoŭ časta prosta nie viedajuć, kudy vykidvać niepatrebnaje. Viedajuć… Ja, možna skazać, vypadkova [vyjaviŭ]. Voś ja premjeru havaryŭ — u jaho vobłaści ŭčarašniaj (Alaksandr Turčyn da premjerskaj pasady ŭznačalvaŭ Minski abłvykankam. — Red.) pa Minskim rajonie. Ja prajechaŭ i žachnuŭsia», — skazaŭ Łukašenka.
«Minski rajon — heta prybiralnia horada-hieroja Minska. Što tam robicca — heta kašmar. Adrazu na ŭskrainie lesu, nichto nie turbuje siabie: zajechaŭ samazvał, vykinuli… Čaho tolki niama! Ja śpiecyjalna spyniŭsia, pahladzieŭ: staryja chaładzilniki, płastmasa, škło, roznaje bytavoje śmiećcie. Heta pad Minskam!» — aburaŭsia jon.
Łukašenka skazaŭ, što druhasnyja resursy — heta rezierv dla rostu ekanomiki. Jon nahadaŭ, što 11 hadoŭ tamu heta tema ŭžo abmiarkoŭvałasia ŭ takim ža składzie, i z taho času było pryniata šmat prahram i mierapryjemstvaŭ, układzieny biudžetnyja resursy.
Jon zapatrabavaŭ dałažyć ab dalejšaj stratehii raboty z usimi vidami adkidaŭ i zahadaŭ «vylizać» krainu ŭ Hod dobraŭparadkavańnia.
Łukašenka taksama prapanavaŭ viarnucca da pytańnia depazitnaj sistemy abarotu tary. Jon nahadaŭ, što ŭrad u 2019 hodzie nie zmoh «vyrazna abhruntavać» nieabchodnaść stvareńnia sumiesna z pryvatnym inviestaram sistemy depazitna-zakładnoha abarotu šklanoj i płastykavaj tary. «Što ź piłotnymi prajektami, jakija tak hučna anansavalisia? Moža być, siońnia treba viarnucca da hetaj temy, ale ŭžo na bazie kaapieracyi chołdynhu «Biełresursy» i Biełaruskaj šklanoj kampanii?» — skazaŭ jon.
-
Ukrainka raskazała, jak taksist-biełarus u Hdańsku pahražaŭ vyciahnuć jaje siłaj z mašyny, bo jana admoviłasia razmaŭlać pa-rusku
-
U Vaŭkavyskim rajonie znosiać najstarejšy ŭ Biełarusi cemientny zavod
-
Na kanferencyi ŭ Dublinie Śviatłana Cichanoŭskaja nahadała pra los palitviaźnia Vacłava Areški FOTAFAKT
Ciapier čytajuć
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1818
Kamientary