Adkidy biełaruskaha chimičnaha kambinata ŭtrymlivajuć kancentracyju redkaziomaŭ, supastaŭnuju z radoviščami va Ukrainie
Śviet zahavaryŭ pra redkaziamielnyja mietały, a biełaruskija navukoŭcy z Akademii navuk ciaham dziesiacihodździaŭ sprabavali źviarnuć uvahu ŭładaŭ na toje, što jość «žyvoje zołata», jakoje lažyć na pavierchni i patrabuje minimalnaha ŭdziełu hieołahaŭ dla jaho zdabyčy i pierapracoŭki. Navukoviec Siarhiej Biesarab patłumačyŭ «Radyjo Svaboda», što takoje redkaziamielnyja mietały, navošta jany Donaldu Trampu, kolki takich karysnych vykapniaŭ u Biełarusi i ci možna na hetym zarabić.
Što takoje redkaziamielnyja mietały
— Redkaziamielnyja elemienty — heta daloka nie samyja redkija ŭ pryrodzie elemienty. Choć šmat kamu moža zdacca mienavita tak, bo suśvietnyja ŚMI pradstaŭlajuć hetuju situacyju zaraz. Redkaziomy — heta prykładna paŭtara dziasiatka tak zvanych łantanoidaŭ, blizkich pa chimičnych ułaścivaściach elemientaŭ adnoj hrupy. I hetyja łantanoidy sustrakajucca vielmi časta na Ziamli.
Bolš za toje, kali hladzieć na absalutnuju ich kolkaść (u hieałohii heta vyznačajecca t. zv. kłarkam — kolkaściu hramaŭ elemienta na tonu ziamnoj kary), to atrymajecca, što, naprykład, taho ž ceryju na Ziamli bolš, čym miedzi. Nieadymu stolki ž, kolki cynku, łantanu bolš, čym śvincu. A, naprykład, samaryju bolš, čym malibdenu, jaki kaliści vykarystoŭvaŭsia ŭ «lampačkach Iljiča».
Navošta Trampu redkaziamielnyja mietały
— U 2020 hodzie, jašče da pačatku vajny va Ukrainie, hieałahičnaja słužba ZŠA apublikavała dakumient, u jakim pieraličyła krytyčna važnyja dla nacyjanalnaj biaśpieki syravinnyja resursy. I voś u hety śpis trapili amal usie łantanoidy z paznakaj — 100% impart.
Pavodle danych toj ža hieałahičnaj słužby ZŠA, najbujniejšy vytvorca redkaziomaŭ — heta Kitaj, kala 70% suśvietnaj vytvorčaści. Najbujniejšyja zapasy — u Kitai, Vjetnamie i Brazilii. Tamu nie dziva, što Tramp vyrašyŭ uziać hetaje pytańnie pad kantrol jašče ŭ svoj pieršy termin.
A što ŭ Biełarusi
— U Biełarusi jašče ŭ siaredzinie minułaha stahodździa znajšli niekalki radoviščaŭ redkaziamielnych elemientaŭ. Heta dyjabazavaje radovišča ŭ Žytkavickim rajonie, dzie byli vyjaŭlenyja ślady itryju i terbiju, a taksama Homielska-Dobrušski mahmatyčny vuzieł, dzie znojdzienyja ślady tuliju. Adnak zapasy pryznali niaznačnymi i niemetazhodnymi dla kamiercyjnaj zdabyčy.
U toj ža čas adkidy Homielskaha chimičnaha kambinata ŭtrymlivajuć kancentracyju redkaziomaŭ, supastaŭnuju z radoviščami va Ukrainie. Ale ŭłady nie ličyli patrebnym układać srodki ŭ daśledavańni, jakija mahli b nie tolki prynieści prybytak, ale i palepšyć ekałahičnuju situacyju.
Ciapier, kali redkaziamielnyja mietały stali palityčnaj temaj, pytańnie iznoŭ uźniali. Ale pakul niama śpiecyjalistaŭ, zdolnych prapanavać i danieści da ŭładaŭ, što Biełaruś moža zarablać, pierapracoŭvajučy adkidy, a nie kapajučy nietry.
«Redkaziamielnyja mietały, nafta, i ŭsio, što zmožam atrymać»: Tramp zajaviŭ, što jašče choča zamiest «układzienych va Ukrainu hrošaj»
U ZŠA zajavili, što pakul nie ŭzhadnili ździełku z Ukrainaj pa pryrodnych resursach. A Zialenski zadavoleny
U Vialikabrytanii navučylisia amal całkam adnaŭlać lityj i hrafit z vykarystanych batarej elektramabilaŭ
U Narviehii znajšli najbujniejšaje ŭ Jeŭropie radovišča redkaziamielnych mietałaŭ. Heta moža źmienšyć zaležnaść ad Kitaja
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu8
Kamientary
odna iz pričin, počiemu ja nie v Passat ;