Hramadstva9494

Cichanoŭskaj daviarajuć 83%, Łatušku — 65%, Paźniaku — 13%, Kraŭcovu i Jahoravu — pa 4%

Amal hod tamu, u traŭni 2024-ha hoda, Centr novych idej razam z prajektam «Jość pytańnie» rabiŭ daśledavańnie prademakratyčnaj častki biełaruskaha hramadstva. U fokusie ŭvahi było staŭleńnie da biełaruskich demakratyčnych palitykaŭ, palityčnych struktur i hramadzianskich inicyjatyŭ. Ciapier CNI vyrašyŭ paŭtaryć daśledavańnie i pahladzieć, što źmianiłasia za hod.

Śviatłana Cichanoŭskaja na kanfierencyi «Novaja Biełaruś» 3 žniŭnia 2024 hoda

Apytańnie prachodziła ŭ sakaviku 2025 hoda. Kolkaść apytanych — 537 čałaviek, ź jakich 358 — biełarusy zamiežža. Rekrutacyja adbyvałasia praz čat-boty ŭ «Telehramie» i «Vajbiery». Častka pytańniaŭ tyčyłasia davieru i viedaŭ pra dziejnaść biełaruskich prademakratyčnych palitykaŭ, palityčnych siłaŭ i roznych inicyjatyvaŭ dy supołak. Hetyja danyja paraŭnali sa źviestkami, atrymanymi pavodle anałahičnaj mietodyki ŭ traŭni-červieni 2024-ha hoda, akurat paśla vybaraŭ u Kaardynacyjnuju radu III sklikańnia (tady vybarka daśledavańnia skłała 1398 čałaviek; ź ich 913 — biełarusy zamiežža).

Viedy pra dziejnaść i davier da palitykaŭ

Ciaham minułaha hoda trojka palityčnych lidaraŭ, za dziejnaściu jakich ludzi sočać i kamu daviarajuć, nie źmianiłasia. Heta:

  1. Śviatłana Cichanoŭskaja — viedajuć pra jaje dziejnaść 94,5%, daviarajuć 83,4% apytanych;
  2. Pavieł Łatuška — za jaho dziejnaściu sočać 89,3%, daviarajuć 64,9%;
  3. Franak Viačorka — viedajuć 72,7%, daviarajuć 38,7%.

Adnak pa-za miežami trojki lidaraŭ adbylisia peŭnyja źmieny.

Pa-pieršaje, praz adstaŭku z Abjadnanaha pierachodnaha kabinieta (i dalejšuju admovu ad palityčnaj dziejnaści) značna źnizilisia i viadomaść, i davier da Valeryja Sachaščyka (na -18% i -13% adpaviedna). Taja ž pryčyna — vychad z APK — paŭpłyvała i na pakazčyki Volhi Harbunovaj, chacia i nie tak mocna, jak u vypadku z Sachaščykam (-9% i -7% adpaviedna).

Pa-druhoje, paśla parazy na minułych vybarach źnizilisia pakazčyki viadomaści i davieru da pradstaŭnikoŭ «Błoku Prakopjeva—Jahorava». Tak, viedy pra dziejnaść Vadzima Prakopjeva źmienšylisia na 9%, davier upaŭ na 8%. Anałahičnyja pakazčyki Andreja Jahorava skłali -6% i -5% adpaviedna.

Treci momant: źnižeńnie pakazčykaŭ «dynazaŭra» biełaruskaha demakratyčnaha ruchu — Zianona Paźniaka. Ciaham minułaha hoda dola znajomych ź jahonaj dziejnaściu źmienšyłasia na 7%, a adsotak ludziej z davieram da jaho — na 12%.

Palityčnyja struktury i hrupy

Jak i hod tamu, hałoŭnaj instytucyjanalnaj strukturaj biełaruskich demakratyčnych siłaŭ zastajecca Ofis Śviatłany Cichanoŭskaj, chacia ciaham hetaha pieryjadu davier da Ofisa krychu źniziŭsia (na 6%).

Letaś pavodle viadomaści adrazu za Ofisam išli ščylnaj hrupaj try struktury — Narodnaje antykryzisnaje ŭpraŭleńnie, Kaardynacyjnaja rada i Abjadnany pierachodny kabiniet. Taja ž trojka była ŭ lidarach i pavodle davieru: KR — 77%, APK — 68%, NAU — 66%.

Ciapier situacyja źmianiłasia, pieradusim praz stratu pazicyj Kaardynacyjnaj radaj. Cikavaść da jaje dziejnaści ŭpała na 8%, a davier — na 16%. Na hetym tle krychu pavysiłasia cikaŭnaść da aŭtsajdaraŭ biełaruskaha demakratyčnaha ruchu (štab Viktara Babaryki i Vieraniki dy Valeryja Capkałaŭ), praŭda, heta nie adbiłasia na daviery da ich.

Takim čynam, na aktualny momant tryma hałoŭnymi palityčnymi strukturami źjaŭlajucca: Ofis Śviatłany Cichanoŭskaj, Abjadnany pierachodny kabiniet i Narodnaje antykryzisnaje ŭpraŭleńnie. Kaardynacyjnaja rada ŭ hety śpis nie ŭvachodzić.

Inicyjatyvy (hramadskija i nie tolki)

Ciaham apošniaha času niekalki značnych hramadzianskich inicyjatyŭ, na vialiki žal, spynili svajo isnavańnie. Tamu paraŭnalna ź letašnimi źviestkami ciapier padajucca acenki viadomaści i davieru da mienšaha śpisu hramadzianskich inicyjatyŭ.

Jak i ŭ vypadkach z palitykami dy palityčnymi strukturami, trojka lidaraŭ siarod hramadzianskich inicyjatyŭ ź minułaha hoda nie źmianiłasia. Heta «Kibierpartyzany», PC «Viasna» i Połk imia Kastusia Kalinoŭskaha. Jość tolki adzin niuans — «Viasna» i kalinoŭcy pamianialisia miescami, i druhoje miesca ciapier zajmajuć mienavita viasnoŭcy.

Nastupnaja trojka inicyjatyŭ — BySol, ByHelp i BelPol (pradstaŭniki: Uładzimir Žyhar, Alaksandr Kabanaŭ, Maćviej Kuprejčyk, Andrej Astapovič) — całkam zachavałasia ŭ tym vyhladzie, jak heta było letaś.

Samaja značnaja źmiena, jakaja adbyłasia sa staŭleńniem da peŭnaj inicyjatyvy, adbyłasia ź je-płatformaj «Novaja Biełaruś», jakaja praviała rebrendynh i stała dadatkam «Svaje». Jak bačna ź ličbaŭ, hety rebrendynh pakul nie dadaŭ punktaŭ papularnaści hetaj inicyjatyvie.

U padsumavańni možna kanstatavać, što struktura asnoŭnych hulcoŭ biełaruskaha demakratyčnaha ruchu (prynamsi, u vyhnańni) zbolšaha skłałasia. Vahańni ŭ staŭleńni da lidaraŭ minimalnyja, a adnosiny da pradstaŭnikoŭ siaredniaha ŭzroŭniu ijerarchii demakratyčnaha ruchu zaležać nie stolki ad ich dasiahnieńniaŭ, kolki ad najaŭnaści albo adsutnaści vialikich pravałaŭ u dziejnaści.

Kamientary94

  • a vot i obosnovanije raśpiłov
    30.04.2025
    A čiemu imienno oni dovieriajut? Novohodnim obraŝienijam? Eto ž jedinstviennoje, čto ofis proizvodit
  • elehantnaja
    30.04.2025
    jašče adna 80% )
  • Hojdazaŭr
    30.04.2025
    [Red. vydalena]

    [Zredahavana]

Ciapier čytajuć

Cichanoŭski: Pryjechaŭ by i pacisnuŭ Trampu ruku18

Cichanoŭski: Pryjechaŭ by i pacisnuŭ Trampu ruku

Usie naviny →
Usie naviny

62-hadovuju namieśnicu dyrektara minskaj himnazii adpravili ŭ kałoniju za palityku12

Złučanyja Štaty mohuć skaracić kolkaść svaich vojskaŭ u Jeŭropie na 30%3

Šeleh: Biełaruskija leki ničym nie adroźnivajucca ad starych preparataŭ bujnych farmaceŭtyčnych kampanij3

Nastajaciel manastyra Šaaliń trapiŭ pad śledstva pa padazreńni ŭ rastratach i amaralnym ładzie žyćcia4

U Rečyckim rajonie ad udaru tokam zahinuli dvoje mužčyn

Ceny na šakaład ździŭlajuć13

Navumčyk pra niezaležnaść Biełarusi: Pucin nie zdolny mabilizavać nivodnaha biełarusa na vajnu — nacyjanalnyja aŭtanomii Rasii nie majuć i hetaha30

Muzykanty vydalajuć svaju muzyku sa Spotify, bo jon spansaruje kampaniju, jakaja vyrablaje tysiačy dronaŭ dla Ukrainy26

«Heta svojeasablivaje partniorstva». Tramp zaklučyŭ ździełku, pa jakoj krainy Jeŭropy abaviazany płacić taryf 15%8

bolš čytanych navin
bolš łajkanych navin

Cichanoŭski: Pryjechaŭ by i pacisnuŭ Trampu ruku18

Cichanoŭski: Pryjechaŭ by i pacisnuŭ Trampu ruku

Hałoŭnaje
Usie naviny →

Zaŭvaha:

 

 

 

 

Zakryć Paviedamić