Miedsiastra ź Lepiela zakachałasia ŭ rasijskaha vajskoŭca i pajechała najomnicaj na front va Ukrainu
U śpisie biełarusaŭ, jakija vajujuć na baku Rasii va Ukrainie, apublikavanym ukrainskim prajektam «Chaču žyć», jość tolki adno žanočaje proźvišča — Iłony Ščarbakovaj. Raskazvajem pra hetu žančynu.
Iłonie Ščarbakovaj 35 hadoŭ. Rodam jana z ahraharadka Cichiničy Rahačoŭskaha rajona. Paśla škoły vučyłasia ŭ Aršanskaj dziaržaŭnaj miedycynskaj vučelni. Vyjšła zamuž i pierajechała ŭ Lepiel, pracavała ŭ rajonnaj balnicy miedsiastroj.
Praź niejki čas Iłona raźviałasia. Ad šlubu ŭ žančyny zastałosia dvoje dziaciej, jakim ciapier 13 i 5 hadoŭ.
U krasaviku 2023 hoda, užo paśla razvodu, jana paznajomiłasia z rasijskim vajskoŭcam, jakoha nazyvaje Marsel. Viadoma, što raniej toj pracavaŭ u Arenburhskaj buravoj kampanii.
Mahčyma, mienavita tamu jana naniałasia ŭ rasijskuju armiju. Pa źviestkach prajekta «Chaču žyć», Iłona Ščarbakova padpisała kantrakt 20 listapada 2023 hoda.
Paźniej žančyna pačała vykładać historyi ŭ instahramie ŭ vajskovaj formie i padpisvać ich chešteham #svo. Ciapier jana padpisanaja tam jak «miedyk Maiła» — mahčyma, heta jaje pazyŭny.
U sacsietkach žančyna piša, što maryć, kab vajna skončyłasia ŭ 2025 hodzie. Znachodziačysia ŭ adpačynku, jana pryznavałasia, što spačatku nie chacieła jechać na front, a ciapier nie moža dačakacca, pakul tudy vierniecca.
«Naša Niva» — bastyjon biełaruščyny
PADTRYMAĆUkrainski prajekt «Chaču žyć» nazvaŭ imiony bolš za 700 biełarusaŭ, jakija vajavali na rasijskim baku POŬNY ŚPIS
Na vajnie źnik bieź viestak «Biełarus» — žychar Baraŭlanaŭ, jaki ŭchilaŭsia ad biełaruskaha vojska, ale pajšoŭ pamirać za Rasiju
«Hladzicie, ja pajšła da taty»: u Rasii ŭdava vajskoŭca skončyła žyćcio samahubstvam na vačach u dziaciej
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary