Nie stała viadomaj śpiavački, zasłužanaj artystki Biełarusi Natalli Ramanskaj, paviedamili jaje znajomyja ŭ sacsietkach. Joj było 64 hady.
Natalla Ramanskaja naradziłasia 27 studzienia 1961 hoda ŭ vioscy Myšanka Pietrykaŭskaha rajona.
U 1982-1998 hadach jana śpiavała ŭ Dziaržaŭnym akademičnym narodnym chory Biełarusi imia Hienadzia Citoviča. Adnačasova z 1990 hoda pracavała ŭ ansambli narodnaj muzyki «Biasieda» Nacyjanalnaj dziaržaŭnaj teleradyjokampanii Respubliki Biełaruś.
Ramanskaja była pieršaj vykanaŭcaj mnohich tvoraŭ biełaruskich kampazitaraŭ. Siarod inšaha jana razam ź Jakavam Navumienkam śpiavała papularnyja ŭ 1990-ja hady pieśni «Zoračka maja» i «Padajuć zory».
U 1997 hodzie Natalli Ramanskaj było prysvojena zvańnie zasłužanaj artystki Biełarusi.
U 1999-2006 hadach Ramanskaja vykładała ŭ Biełaruskim univiersitecie kultury i mastactvaŭ.
Raźvitańnie z Natallaj Ramanskaj adbudziecca 29 krasavika pačynajučy z 9:30 u rytualnaj zale na Alšeŭskaha, 12 u Minsku.
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ18
Kamientary