Dva hady tamu Vitala Byčkova asudzili za «hvałt abo pahrozu hvałtu da milicyjanta» i paśla hetaha dadali ŭ śpis «ekstremistaŭ».
Vitalu Byčkovu było 44 hady. Rodam jon z pasiołka Kołas Bychaŭskaha rajona, jaki paźniej dałučyli da Bychava. Kali mierkavać na sacsietkach i rasijskich bazach, pieryjadyčna jeździŭ pracavać u Rasiju pa roznych rabočych śpiecyjalnaściach.
U 2022 hodzie u sudzie Bychaŭskaha rajona Byčkova asudzili pa artykule 364 Kryminalnaha kodeksa — «hvałt abo pahroza hvałta ŭ dačynieńni da milicyjanta». Nie kožnaja takaja sprava źviazanaja z palitykaj. Adnak paśla suda siłaviki paličyli patrebnym dadać Byčkova ŭ śpis «datyčnych da ekstremisckaj dziejnaści». Fihuranty pobytavych kryminalnych spraŭ — kali, naprykład, niejki čałaviek spjanu šturchanuŭ učastkovaha, — u hety śpis nie traplajuć.
Prysud Byčkovu nieviadomy, jak i akaličnaści spravy. U toj čas bolšaść palityčnych kryminalnych spraŭ pa hetym artykule źviazanaja z kamientarami ŭ sacsietkach i miesiendžarach.
U śpisie ekstremistaŭ Byčkoŭ atrymaŭ paznaku «adbyvaje pakarańnie». Heta aznačaje, što jamu mahli prysudzić termin u kałonii albo chimiju z nakiravańniem.
Vital Byčkoŭ pamior 28 kastryčnika 2024 hoda — nieviadoma, ci adbyŭ jon pakarańnie całkam.
Pa źviestkach Digital Intelligence Team, pryčynaj jaho śmierci staŭ insult.
«Naša Niva» — bastyjon biełaruščyny
PADTRYMAĆCiapier čytajuć
«Ni pra što nie škaduj, Śvieta. Žyvie Biełaruś». Śviatłana Kurs napisała list samoj sabie, 15‑hadovaj6
«Ni pra što nie škaduj, Śvieta. Žyvie Biełaruś». Śviatłana Kurs napisała list samoj sabie, 15‑hadovaj
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Kamientary