Hiendyrektar chakiejnaha «Dynama» adčuŭ biesprecedentny ekstaz ad pryjezdu na treniroŭku Łukašenki
«Heta, viedajecie, ni z čym nie paraŭnalnyja emocyi», — skazaŭ Arciom Karkocki.
Hienieralny dyrektar kłuba pieražyŭ biesprecedentny ekstaz, kali na treniroŭku «Dynama» na «Minsk-Arenu» pryjechaŭ Alaksandr Łukašenka, piša «Sport Biełarusi».
«Heta było niečakana. Heta, viedajecie, ni z čym nie paraŭnalnyja emocyi. Kali čałaviek takoj vieličy i takoha maštabu naviedvaje treniroŭku, kali pakazvaje, što ŭsio hladzić i chvalujecca… Heta sapraŭdy vielmi zapaminalny momant. Šmat chto zapomnić jaho na ŭsio žyćcio. Mnie zdajecca, ni ŭ adnoj krainie niama takoj pilnaj uvahi. Kali sam prezident u chakiejnaj formie vychodzić na lod — heta darahoha varta. Dla ŭsiaho kłuba heta značnaja padzieja», — skazaŭ Arciom Karkocki.
Nahadajem, što minskaje «Dynama» sioleta ŭpieršyniu za 15 hod vyjšła ŭ druhi raŭnd płej-of Kantynientalnaj chakiejnaj lihi (Kubak Haharyna). U pieršym raŭndzie biełaruski kłub pieramoh CSKA.
Pierad pačatkam druhoj sieryi suprać čalabinskaha «Traktara» treniroŭku «Dynama» naviedaŭ Łukašenka, jaki abłačyŭsia ŭ chakiejnuju formu i navat pravioŭ majstar-kłas pa zakidvańni šajbaŭ, a taksama jon pieradaŭ chakieistam padarunki z pačastunkami, jakija nibyta dajuć im enierhiju i siły: miod, sała i chleb, vyrableny na konkurs.
«Dynama» prajhrała sieryju 1:4 i vylecieła z płej-of.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary