Rasijanie ŭpieršyniu vykarystali va Ukrainie ŭdarny BPŁA «Hierań-5»
U pačatku 2026 hoda padčas kambinavanych pavietranych atak na Ukrainu rasijskija vojski ŭpieršyniu vykarystali novy ŭdarny bieśpiłotnik «Hierań-5». Hałoŭnaje ŭpraŭleńnie raźviedki Minabarony Ukrainy atrymała pieršyja ŭzory dla daśledavańnia i apublikavała padrabiaznaści.
Novy aparat bolšy za papiarednikaŭ. Bieśpiłotnik maje daŭžyniu kala 6 mietraŭ i razmach kryłaŭ da 5,5 mietra. Masa bajavoj častki składaje kala 90 kh, zajaŭlenaja dalnaść paražeńnia — kala 1 000 km.
U adroźnieńnie ad kłasičnych «Hieraniaŭ», hety dron vykanany pa narmalnaj aeradynamičnaj schiemie (kryło drona raźmieščana śpieradu, a chvastavaja častka zzadu, jak u zvyčajnych samalotaŭ).
Vajennyja ekśpierty HUR adznačajuć, što «Hierań-5» nie źjaŭlajecca całkam rasijskaj raspracoŭkaj. Jon maje istotnaje kanstruktyŭnaje padabienstva ź iranskim bieśpiłotnikam Karrar.
Pavodle infarmacyi HUR, rasijanie taksama raspracoŭvajuć varyjanty vykarystańnia «Hierań-5» z avijacyjnych nośbitaŭ, u pryvatnaści samalotaŭ Su-25, z metaj pavieličeńnia dalnaści. Asobna razhladajecca mahčymaść asnaščeńnia aparata rakietami kłasa «pavietra-pavietra» dla supraćdziejańnia ŭkrainskaj avijacyi.
-
U Čarnaŭcach padčas uskryćcia cieła vajskoŭca, pieradadzienaha ŭ ramkach abmienu z RF, vyjavili hranatu
-
Źjavilisia spadarožnikavyja zdymki z nastupstvami ŭdaru rakiet pa branskim zavodzie mikraelektroniki — jon razburany
-
Rasijskija vajenkary zajaŭlajuć, što straty dasiahnuli nieprymalnaha ŭzroŭniu. «Čakaje nas remiejk vosieni 2022 hoda»
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!3
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary