Za minułyja sutki praciahvałasia adkryćcio i ačyščeńnie rek ad lodu, raskazali BiełTA ŭ Biełhidramiecie.
Pa stanie na 11 sakavika na bolšaści rek basiejna Dźviny, na Dniapry i Sož, na bolšaj častcy Biarezina, Prypiać, niekatorych ich prytokach, a taksama na asobnych učastkach Niomana i Vilija nazirajecca kryhachod, ledastaŭ z pratalinami i razvodździami, miescami lod padniaŭsia.
Na asobnych učastkach rek basiejnaŭ Dniapra, Biareziny, Soža i Prypiaci adznačajecca kryhachod. Na vadaschoviščach Vilejskaje, Čyhirynskaje, Salihorskaje, Zasłaŭskaje, Čyrvonaja Słabada, na aziorach Narač, Dryviaty, Čyrvonaje i Łukomskaje nazirajecca ledastaŭ i ledastaŭ z pratalinami, adznačajecca vada na lodzie, vychodzić na lod niebiaśpiečna», — papiaredzili ŭ Biełhidramiecie.
Na rekach adznačajecca pieravažna rost uzroŭniaŭ vady ź intensiŭnaściu 1—13 sm za sutki, na rekach basiejna Dźviny — da 42 sm za sutki.
Na Vilii la Vilejki i Niomanie la ahraharadka Bielica ŭ vyniku zatoraŭ lodu nazirajecca spad uzroŭniaŭ vady z sutkavaj intensiŭnaściu 22 sm i 46 sm adpaviedna.
Vada znachodzicca na pojmie na Vilii la ahraharadka Ściešycy, na prytoku Dniapra — kanale Iŭnia-Bonda la vioski Budka, na prytoku Biareziny — Śvisłač la vioski Cierebuty, na prytokach Prypiaci — rekach Styr la vioski Łapacina, Słuč la ahraharadka Lenin, Ubarć la vioski Krasnabiarežža i Pcič la vioski Pieršaja Słabada. Uzroŭni vady blizkija da adznak vychadu vady na pojmu na Biarezinie la Biarezina, Sožy la Słaŭharada, na prytokach Prypiaci — rekach Haryń la vioski Małyja Vikaravičy i Śćviha la vioski Karocičy.
Pa prahnozach hidrołahaŭ, u bližejšyja sutki na rekach praciahniecca raźvićcio viasnovych pracesaŭ, budzie adbyvacca rost uzroŭniaŭ vady i rastavańnie lodu.
Kamientary