«Hruby impieryjalizm». Źjaviŭsia analiz novaj palityki ZŠA vačyma łukašenkaŭskich siłavikoŭ
«Sutnaść novych padychodaŭ ZŠA pry Trampie — admova ad staroj «miakkaj siły» na karyść žorstkaha prahmatyzmu i pramoha cisku», — piša aŭtar.
U telehram-kanale Siły śpiecapieracyj / VDV / śpiecnaz źjaviŭsia karotki, ale jomisty tekst z acenkaj novaj palityki ZŠA, jak jaje razumiejuć siłaviki. Voś što adznačajecca.
«▪️USAID i NED rasfarmavanyja (abo mocna ŭrezanyja) paśla aŭdytu Maska i DOGE — nie z-za izalacyjanizmu, a z-za ich nieefiektyŭnaści, karupcyi i adsutnaści addačy dla Amieryki. Doŭhaterminovaje «hadavańnie» apazicyi, NDA i «kalarovych revalucyj» adyšło ŭ minułaje.
▪️ Na źmienu pryjšła tranzakcyjnaja palityka:
— pramy šantaž i podkup kiroŭnych elit praz sankcyi, taryfy, asabistyja ŭhody i ekanamičnyja ryčahi;
— «Trump Corollary» da Daktryny Manro — žorstkaje daminavańnie ŭ Zachodnim paŭšarji, niedapuščeńnie Kitaja/Rasii/Irana, kantrol mihracyi, narkatrafiku i resursaŭ;
— elitnyja śpiecpadraździaleńni jak «dubinka šeryfa» — chutkija chirurhičnyja ŭdary, zachopy, FAFO-apieracyi zamiest «viečnych vojnaŭ» (prykłady: Vieniesueła, karteli, Iran).
▪️ Usio pad łozunham «America First»: mienš ideałohii i hłabalnaha lidarstva, bolš vyhady dla ZŠA, minimizacyja vydatkaŭ i ryzyk. Heta nie adychod ad miru, a novy, bolš hruby impieryjalizm — biez maskavańnia pad «demakratyju», — padsumoŭvaje kanał siłaŭ śpiecapieracyj.
«Siońnia situacyja bolš składanaja. Toje, što adbyvajecca vakoł nas, nie zaležyć ad nas. Šalenstva i jašče raz šalenstva», — zajaviŭ Alaksandr Łukašenka 8 studzienia.
«Łukašenka pačaŭ uśviedamlać nastupstvy razbureńnia suśvietnaha paradku, jakim my jaho viedali da 2022 hoda. Adnak pakul niama prykmiet taho, što jon zdolny saskočyć z rasijskaha tankiera, na jaki z ułasnaj voli sieŭ, i jaki pre ŭ toje ci inšaje piekła», — tak adkamientavaŭ jaho vykazvańni Mikoła Buhaj.
Ciapier čytajuć
Raptoŭna pamianiaŭsia kiraŭnik Viciebskaj vobłaści. Pryčynaj nazvali chvarobu 50‑hadovaha Alaksandra Rahožnika4
Raptoŭna pamianiaŭsia kiraŭnik Viciebskaj vobłaści. Pryčynaj nazvali chvarobu 50‑hadovaha Alaksandra Rahožnika
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie5959
Kamientary
"Pachodžańnie Maskovii lažyć u kryvavaj dehradacyi manholskaha rabstva…
“paŭ-Azijackaja” pahroza dla “Jeŭropy” i “cyvilizacyi”…
maskavity. Jany nie słavianie; jany naohuł nie naležać da indahiermanskaj rasy, jany des intrus [uciarycy], jakich treba prahnać nazad za Dniapro."
Karł Marks (1856–57 / 1873)