U niadzielu stanie viadoma, chto ź biełaruskich frystajlistaŭ trapić na Alimpijadu
Śpis licenzijataŭ farmirujecca pa vynikach etapaŭ Kubka śvietu, apošni ź jakich pavinien byŭ adbycca ŭ Dzir-Veli 16—18 studzienia. Adnak z-za ŭmoŭ nadvorja ŭ Sołt-Lejk-Sici jon byŭ pieraniesieny ŭ Lejk-Płesid.
U Lejk-Płesidzie akrabaty pavinny byli spaborničać 11 studzienia. I hetyja spabornictvy adbuducca zhodna z raskładam. Prosta etap, tak by mović, atrymajecca zdvojenym. Bo 12‑ha frystajlisty znoŭ vyjduć na start u miežach etapu, jaki pieršapačatkova byŭ zapłanavany ŭ Dzir-Veli, piša «Sport Biełarusi».
Takim čynam, užo zusim chutka stanie viadoma, u jakim składzie i chto mienavita ź biełaruskaj zbornaj pa frystajle adpravicca na Alimpijadu ŭ Miłan.
Paśla poŭnamaštabnaha ŭvarvańnia Rasii va Ukrainie ŭ lutym 2022 hoda rasijskija i biełaruskija spartoŭcy ŭ šerahu vidaŭ sportu (chakiej, bijatłon, frystajł) adchilenyja ad mižnarodnych spabornictvaŭ, i spačatku zdavałasia, što biełarusy zbolšaha prapuściać Zimovuju Alimpijadu.
Ale ŭ śniežni šaściora biełaruskich i troje rasijskich spartoŭcaŭ atrymali status niejtralnych udzielnikaŭ, taki dazvoł dała Mižnarodnaja fiederacyja łyžnaha sportu.
Pačynajučy z 1998 hoda biełaruskija frystajlisty pryvodzić ź Zimovych Alimpijadaŭ miedali — usiaho vosiem, u tym liku čatyry załatyja.
Na apošniaj Alimpijadzie ŭ Piekinie ŭ 2022 hoda srebra ŭziała Hanna Huśkova, u 2018‑m jany vyjhrała zołata, a na Alimijadzie ŭ 2014 hodzie zołata vyjhrali Anton Kušnir i Ała Cupier.
Zimovyja Alimpijskija hulni projduć u italjanskich Miłanie i Karcinie d'Ampiecy z 6 pa 22 lutaha.
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary