U instahramie maštabnaja ŭciečka, paciarpieli 17,5 miljona karystalnikaŭ
Adbyłasia maštabnaja ŭciečka źviestak u Instagram — infarmacyja pra 17,5 miljona karystalnikaŭ trapiła ŭ darknet. Pra heta paviedamiła kampanija Malwarebytes, jakaja zajmajecca kibierbiaśpiekaj.
Choć paroli ŭ vykradzienaj bazie adsutničajuć, chakiery atrymali vialiki abjom asabistych źviestak. Siarod ich — imiony karystalnikaŭ i sapraŭdnyja proźviščy, numary telefonaŭ, elektronnyja adrasy, a taksama inšyja źviestki profilaŭ.
Asnoŭnaja pahroza ŭ tym, što navat biez parolaŭ takaja infarmacyja vielmi kaštoŭnaja dla ašukancaŭ. Užo nazirajecca rost metavaha fišynhu: ludziam masava prychodziać listy, paviedamleńni i zvanki nibyta ad słužby padtrymki z patrabavańniem terminova pamianiać parol, paćvierdzić ulikovy zapis abo pierajści pa spasyłcy dla «abarony źviestak».
Na samaj spravie heta padman: spasyłki viaduć na falšyvyja staronki, dzie karystalniki sami pieradajuć złamyśnikam svaje sapraŭdnyja paroli i kody dvuchfaktarnaj aŭtentyfikacyi.
Kab zaścierahčy siabie, śpiecyjalisty rajać nie pierachodzić pa padazronych spasyłkach, pravieryć, ci ŭklučanaja dvuchfaktarnaja abarona, i z aściarohaj stavicca da zvankoŭ i SMS. Taksama važna papiaredzić blizkich i kaleh — u sučasnych umovach kibierhihijena maje asablivuju značnaść.
Kamientary