«Vydalicie nieadkładna»: ekśpierty zaklikali biznes terminova zabłakavać ŠI-braŭziery
Najbujniejšyja suśvietnyja centry kibierbiaśpieki vystupili z rezkim papiaredžańniem: karparatyŭnym karystalnikam varta admovicca ad vykarystańnia braŭzieraŭ z ubudavanymi ŠI-ahientami. Pavodle novaj spravazdačy Gartner i zajavy Nacyjanalnaha centra kibierbiaśpieki Vialikabrytanii (NCSC), takija servisy stvarajuć vysokuju ryzyku ŭzłomaŭ i nie hatovyja da masavaha ŭkaranieńnia ŭ arhanizacyjach, piša Devby.io.
U spravazdačy Gartner havorycca, što «adździeły kibierbiaśpieki pavinny błakavać ŠI-braŭziery ŭžo zaraz».
Daśledčyki padkreślivajuć, što pradukty kštałtu Comet ad Perplexity i Atlas ad OpenAI dazvalajuć aŭtamatyzavać dziejańni ŭ sietcy — ad pošuku da napisańnia listoŭ, — ale mienavita heta robić ich uraźlivymi dla atak ź injekcyjaj promptaŭ.
Sutnaść pahrozy ŭ tym, što škodnasnyja kamandy mohuć być schavanyja ŭ źmieścivie sajtaŭ ci listoŭ, a ŠI-ahient vykanaje ich hetak ža, jak i zvyčajnyja ŭkazańni karystalnika.
Gartner rekamienduje kampanijam «zabłakavać usie ŠI-braŭziery ŭ ahladnaj budučyni», adznačyŭšy, što ich nałady aryjentavanyja na vyhodu karystalnika, a nie na biaśpieku ci kanfidencyjnaść.
Na hetym tydni brytanski centr NCSC taksama zajaviŭ, što całkam abaranicca ad prompt-atak, vierahodna, nikoli nie atrymajecca, paraŭnaŭšy pahrozu z SQL-injekcyjami — uraźlivaściu, jakuju možna tolki minimizavać, ale nie likvidavać całkam.
«Najlepšaje, na što my možam raźličvać, — źnižeńnie imaviernaści ci nastupstvaŭ ataki», — adznačaje viedamstva.
Technałahičnyja kampanii, jakija raźvivajuć ŠI-braŭziery, rychtujucca da supracivu. Microsoft, OpenAI i Perplexity śćviardžajuć, što ŭžo ŭkaraniajuć miery abarony: miarkujuć, što luby veb-kantent patencyjna škodny, patrabujuć dadatkovych paćviardžeńniaŭ karystalnika pry vykanańni niebiaśpiečnych kamandaŭ. Google taksama abviaściła pra ŭłasnyja pratakoły biaśpieki dla Chrome, jaki intehruje ŠI Gemini.
Pakul ža vyprabavańni ŠI-braŭzieraŭ pakazvajuć, što jany nie tolki niebiaśpiečnyja, ale i niaredka rasčaroŭvajuć karystalnikaŭ nizkaj pradukcyjnaściu i techničnymi abmiežavańniami. Ekśpierty papiaredžvajuć: ryzyki kanfidencyjnaści i biaśpieki siońnia pieravažvajuć patencyjnyja vyhody takich instrumientaŭ.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»23
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary
Z promptami - tak, prablema jość i rašeńnia zaraz niama
-- patencyjnyja vyhody = potiencialnyje vyhody
2:1 rasiejskaja mova vyjhraJe – ŭ biełaruskaj movie niama adpaviednika słovu «udobstvo»
ŭ źmieście sajtaŭ --- ŭ źmiescIVJe (źmiest = sodieržanije, ohłavlenije )