Rektar Biełaruskaha dziaržaŭnaha miedycynskaha ŭniviersiteta, prafiesar Siarhiej Rubnikovič padčas mižnarodnaha forumu stamatołahaŭ u Minsku raskazaŭ pra sučasnyja napramki raźvićcia ajčynnaj stamatałohii i vykarystańnie novych technałohij, piša BiełTA.
Siarhiej Rubnikovič adznačyŭ, što ŭ Biełarusi aktyŭna ŭkaraniajucca 3D-technałohii i štučny intelekt. U pryvatnaści, raspracoŭvajecca ličbavaja prahrama «pamočnik doktara-stamatołaha», jakaja z dapamohaj ŠI budzie dapamahać u dyjahnostycy zachvorvańniaŭ zuboŭ i dziasnaŭ na asnovie kampjutarnaj tamahrafii i kliničnych danych. Prahrama dapamoža svoječasova vyjaŭlać schavanyja patałohii, takija jak karyjes, paradantyt ci pieradpuchlinnyja pracesy, jakija nie zaŭsiody bačnyja pry zvyčajnym ahladzie.
Rubnikovič padkreśliŭ, što štučny intelekt nie zamienić doktara, a budzie tolki instrumientam, jaki palahčaje analiz miedycynskich danych i dazvalaje vybrać aptymalnuju stratehiju lačeńnia pavodle nacyjanalnych kliničnych pratakołaŭ.
Asobnaja ŭvaha nadajecca i rehienieratyŭnaj miedycynie. Sumiesna z Akademijaj navuk raspracoŭvajucca technałohii bijatranspłantataŭ dla lačeńnia zachvorvańniaŭ paradonta i adnaŭleńnia kaścianoj tkanki. U niekatorych vypadkach udajecca pravodzić orhanazachavalnyja apieracyi, kali zub možna pakinuć na miescy.
Kamientujučy temu «vyroščvańnia zuboŭ», rektar adznačyŭ, što pakul u suśvietnaj praktycy hetaha dasiahnuć nie ŭdałosia, ale daśledavańni ŭ halinie stvareńnia zubnych tkanak praciahvajucca, i ŭ budučyni heta moža stać realnaściu.
Žančyna z Ryhi raskazała, jak jeździła ŭ Biełaruś rabić zuby
Błohier ździviŭsia prybiralni ŭ navahrudskaj stamatałohii VIDEA
Dadaŭ cyjanid u prateinavy napoj. Stamatołah atruciŭ žonku, a zatym sprabavaŭ zabić śledčaha
«4:30, ja siomaja ŭ čarzie». U Mazyry ludzi prychodziać za niekalki hadzin da adkryćcia palikliniki, kab trapić da traŭmatołaha
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?15
Kamientary