«4:30, ja siomaja ŭ čarzie». U Mazyry ludzi prychodziać za niekalki hadzin da adkryćcia palikliniki, kab trapić da traŭmatołaha
«Siońnia budziem usie razam sustrakać śvitanak kala palikliniki».
Žycharka Mazyra raskazała ŭ tyktoku pra prablemy z zapisam da vuzkich śpiecyjalistaŭ. Kab trapić da traŭmatołaha, jana pryjechała da Mazyrskaj haradskoj palikliniki ŭ 4.30 ranicy.
«Ja pryjechała zaniać čarhu da traŭmatołaha, ja siomaja», — raskazvaje žančyna.
«My siońnia budziem usie razam sustrakać śvitanak kala palikliniki», — žartuje jana.
Pakul žančyna zapisvała karotkaje videa, u čarzie ŭžo stała 11 čałaviek.
«Ja vas prašu, pavažanaje ministerstva, vydzielicie nam traŭmatołaha», — prosić ab dadatkovym śpiecyjaliście žycharka horada.
Videa sabrała pad tysiaču kamientaroŭ. Ludzi dzielacca, što ŭ ich haradach takaja ž situacyja.
«U nas, Marjina Horka, toje ž samaje».
«U Mahilovie taksama, kab uziać tałon, treba prychodzić sustrakać śvitanak, i na analizy taksama čarha z 5-6 ranicy».
«Salihorsk, stamatałohija — taja ž historyja».
«Nie tolki ŭ vas śpiecyjalistaŭ nie chapaje, u Ivanava, Bresckaja vobłaść, stamatołahaŭ, hiniekołahaŭ nie chapaje, da traŭmatołaha taksama nie trapić».
Niekatoryja ździŭlajucca: čamu b nie ŭziać tałon anłajn? Aŭtarka videa adkazvaje, što takoj mahčymaści niama. Inšyja rajać iści ŭ pryvatnuju kliniku, kab sekanomić čas.
«Što adbyvajecca, stolki mied. VNU ŭ Biełarusi, konkursy na pastupleńnie, a dzie śpiecyjalisty, jany što ŭ kosmas laciać pracavać?» — niedaŭmiavajuć u kamientarach.
«Niekatoryja, skončyŭšy VNU, nie chočuć pracavać za kapiejki i iduć na inšuju pracu, dzie bolš płaciać. Tak i maja plamieńnica papracavała, pajšła, nabyła inšuju prafiesiju i pracuje», — pišuć u adkaz.
«ZP treba narmalnuju płacić daktaram, i budzie nam usim ščaście, i dobryja śpiecyjalisty buduć», — razvažajuć.
«Ja pracuju ŭ miedycynie 20 hadoŭ, i ŭžo sprava nie ŭ ZP, a ŭ pavazie da hetych ludziej, da miedykaŭ staviacca jak da absłuhoŭvajučaha piersanału», — dadajuć.
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka1
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary
Što za durnyja savietčyki? Žančyna kaža, što z mužam paśla apieracyi 8 miesiacaŭ chadzili da traŭmatołaha. Ich siamji 8 miesiacaŭ "chadzić u pryvatnuju kliniku, kab sekanomić čas"?
Pa-pieršaje, kolki hrošaŭ heta budzie kaštavać? Pa-druhoje, adkul u Mazyry "pryvatnaja klinika"? U Minsk što li jeździć u pryvatnuju kliniku? Chiba heta sekanomić čas?