Minskija kamunalniki pakazali, što robiać sa śnieham, jaki prynios cykłon «Uli»
U telehram-kanale Minskaj haradskoj žyllovaj haspadarki raskazali, što śnieh z vulic stalicy nie vyvoziać za horad i nie składujuć na pustkach. Jaho ŭtylizujuć na śpiecyjalnym śniehaspłaŭnym punkcie — adzinym u Biełarusi, jaki pracuje ŭ Minsku z 2016 hoda.
Paśla prybirańnia vulic śnieh na pradpryjemstva pryvoziać samazvałami. Tam jon prachodzić niekalki etapaŭ apracoŭki.
Spačatku śnieh vyhružajuć na mahutnyja drabilni, dzie źlažałyja i ščylnyja hurby razdrabniajucca da drobnaj masy. Zatym hetaja masa traplaje ŭ reziervuar ź ciopłymi ściokavymi vodami, dzie śnieh chutka rastaje.
Atrymanuju vadu dadatkova ačyščajuć: admysłovyja pieskałoŭki adździalajuć piasok i śmiećcie, jakija trapili ŭ śnieh z daroh. Paśla hetaha vada samaciokam pastupaje na ačyščalnyja zbudavańni.
Tolki za minułyja sutki śniehaspłaŭny punkt pryniaŭ 824 kubamietry śniehu — heta prykładna 70 całkam zahružanych samaskidaŭ. Takim čynam, śnieh z haradskich vulic prachodzić poŭny technałahičny cykł — ad razdrabnieńnia da ačystki — i nie nazapašvajecca ŭ miežach Minska.
Ciapier čytajuć
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»31
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary