Były «Makdonalds» u 2024 hodzie pakazaŭ dobryja finansavyja vyniki. Pra heta žurnalisty «Lusterka» daviedalisia ź finansavaj spravazdačy, dasiažnaj na servisie «Kartateka».
Sietka restaranaŭ «Mak.baj» zarabiła 188,7 miljony rubloŭ, što na tracinu bolš, čym było hod tamu. Hod tamu hety pakazčyk padaŭ — na 22% u paraŭnańni z papiarednim.
Ciapier prybytak ad dziejnaści restaranaŭ vyras amal u dva razy i skłaŭ 25,1 młn rubloŭ.
Istotna pavialičylisia dachody ad vypłat u adras kampanii pracentaŭ pa vydadzienych pazykach, kaštoŭnych papierach — rost byŭ z 5 da 394 tysiačy rubloŭ. Kampanija zapłaciła bolš za 4,6 miljony rubloŭ padatku na prybytak.
A čysty prybytak (toje, što zastajecca ŭ kampanii paśla vypłaty ŭsich padatkaŭ i abaviazkovych vydatkaŭ) pavialičyŭsia na 132% — da 17,1 miljony rubloŭ.
Letaś u kampanii pracavała 1722 čałavieki.
U červieni 2024 hodu ŭ kampanii źmianiŭsia ŭładalnik. Sietka restaranaŭ praz kampaniju «Kvolici Fud» stała naležać dvum biełarusam — Alaksieju Saŭčuku i Viktoryi Dańko. Saŭčuk vałodaje małakapierapracoŭčymi zavodami ŭ Biełarusi i Rasii i ŭvachodzić u top-30 paśpiachovych biełaruskich biźniesmienaŭ.
U lutym hetaha hoda biełaruskija ŭłady zasakrecili źviestki pra ŭładalnikaŭ sietki restaranaŭ chutkaha charčavańnia.
Kamientary