«Jana zadekłaravała žadańnie vyjechać u Łondan».
«Viedajem, što śpikierka Kaardynacyjnaj rady Anžalika Mielnikava naprykancy lutaha vylecieła za miežy ES. Hetuju infarmacyju paćvierdzili ŭ polskaj palicyi. Jana zadekłaravała žadańnie vyjechać u Łondan. Polskija pravaachoŭnyja orhany taksama paćvierdzili, što jaje były muž 23 sakavika dobraachvotna vyjechaŭ aŭtobusam z terytoryi Polščy ŭ Biełaruś. Na hetym fakty, jakija my atrymlivajem ad pravaachoŭnych orhanaŭ, zakančvajucca». Pra heta kiraŭnik NAU Pavieł Łatuška zajaviŭ u intervju Deutsche Welle.
Jon taksama skazaŭ, što jaje mabilnaja pryłada była łakalizavana ŭ Minsku 19 i 25 sakavika, a 18-ha sakavika, jak stała viadoma z hieałakacyi, adzin ź jaje hadžetaŭ byŭ u Varšavie».
Kiraŭnik NAU dadaŭ, što jon padavaŭ zajavu ŭ varšaŭskuju palicyju 27 sakavika, nakont mahčymaha prymusovaha ŭtrymańnia Mielnikavaj i dźviuch jaje dačok.
Łatuška adznačyŭ, što padazreńnie pra toje, što niešta adbyvajecca sa śpikierkaj KR, uźnikła ŭ jaho 24 sakavika.
Mielnikava abiacała, što pryjdzie ŭ ofis u apošni paniadziełak (31 ci 24 sakavika — NN), ale spasłałasia na chvarobu i admianiła vizit. U zumie na sazvonie jana była 21 sakavika. Pra toje, što jana vylecieła ŭ Łondan, pra heta paviedamiła polskaja palicyja, skazaŭ Łatuška.
Kiraŭnik NAU nie raskryŭ, jak udałosia ŭstalavać hieałakacyju telefona, adnak dadaŭ, što apošniaja pierapiska ź Mielnikavaj ranicaj 25 sakavika zakłała padazreńni, što heta moža pisać nie jana, jany byli nie charakternyja dla jaje.
«My pasprabavali dazvanicca da jaje, ale ničoha nie atrymałasia», — dadaŭ Łatuška.
Sam palityk skazaŭ, što asabista bačyŭ Mielnikavu ŭ kancy lutaha, a na zumie 21 sakavika jon jaje nie bačyŭ.
U vyniku jon skazaŭ, što hramadziankaj Polščy śpikierka KR stała ŭ listapadzie-śniežni 2024 hoda.
Razam z tym Pavieł Łatuška admoviŭsia vykazvać viersii, što adbyłosia z Anžalikaj Mielnikavaj.
Ciapier čytajuć
28‑hadovuju ŭkrainku z Maryupala asudzili ŭ Minsku za palityku. Čamu jana apynułasia ŭ Biełarusi, niajasna1
Kamientary
[Zredahavana]