«Яна задэкларавала жаданне выехаць у Лондан».
«Ведаем, што спікерка Каардынацыйнай рады Анжаліка Мельнікава напрыканцы лютага вылецела за межы ЕС. Гэтую інфармацыю пацвердзілі ў польскай паліцыі. Яна задэкларавала жаданне выехаць у Лондан. Польскія праваахоўныя органы таксама пацвердзілі, што яе былы муж 23 сакавіка добраахвотна выехаў аўтобусам з тэрыторыі Польшчы ў Беларусь. На гэтым факты, якія мы атрымліваем ад праваахоўных органаў, заканчваюцца». Пра гэта кіраўнік НАУ Павел Латушка заявіў у інтэрв'ю Deutsche Welle.
Ён таксама сказаў, што яе мабільная прылада была лакалізавана ў Мінску 19 і 25 сакавіка, а 18-га сакавіка, як стала вядома з геалакацыі, адзін з яе гаджэтаў быў у Варшаве».
Кіраўнік НАУ дадаў, што ён падаваў заяву ў варшаўскую паліцыю 27 сакавіка, наконт магчымага прымусовага ўтрымання Мельнікавай і дзвюх яе дачок.
Латушка адзначыў, што падазрэнне пра тое, што нешта адбываецца са спікеркай КР, узнікла ў яго 24 сакавіка.
Мельнікава абяцала, што прыйдзе ў офіс у апошні панядзелак (31 ці 24 сакавіка — НН), але спаслалася на хваробу і адмяніла візіт. У зуме на сазвоне яна была 21 сакавіка. Пра тое, што яна вылецела ў Лондан, пра гэта паведаміла польская паліцыя, сказаў Латушка.
Кіраўнік НАУ не раскрыў, як удалося ўсталяваць геалакацыю тэлефона, аднак дадаў, што апошняя перапіска з Мельнікавай раніцай 25 сакавіка заклала падазрэнні, што гэта можа пісаць не яна, яны былі не характэрныя для яе.
«Мы паспрабавалі дазваніцца да яе, але нічога не атрымалася», — дадаў Латушка.
Сам палітык сказаў, што асабіста бачыў Мельнікаву ў канцы лютага, а на зуме 21 сакавіка ён яе не бачыў.
У выніку ён сказаў, што грамадзянкай Польшчы спікерка КР стала ў лістападзе-снежні 2024 года.
Разам з тым Павел Латушка адмовіўся выказваць версіі, што адбылося з Анжалікай Мельнікавай.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі26
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4242
Каментары
[Зрэдагавана]