U kancy vieraśnia ŭ Kastryčnickim rajonie Minska źjavicca pieršy atrad narodnaha apałčeńnia. Jak paviedamlajuć «Minsk-Naviny», asnoŭnaj zadačaj padraździaleńnia stanie padtrymańnie paradku na terytoryi rajona.
Hałoŭnaje ŭpraŭleńnie ŭnutranych spraŭ Minabłvykankama praviało vučeńni dla ŭdzielnikaŭ narodnaha apałčeńnia na bazie staličnaj siaredniaj škoły № 197 imia Hierojaŭ 120-j dyvizii. Ab chodzie padrychtoŭki raskazaŭ namieśnik načalnika adździeła pa achovie dziaržaŭnych sakretaŭ, mabilizacyjnaj pracy i pytańniach abarony Minharvykankama Juryj Šubič.
— Havorka idzie pra dastatkova novy (ci dobra zabyty stary) kirunak u sistemie abarony dziaržavy, jaki realizujuć miascovyja ŭłady pry padtrymcy siłavych struktur. Siońnia my zaprasili na zaniatki kamandziraŭ atradaŭ i ich namieśnikaŭ. Na hety raz vyrašyli źviarnuć uvahu na pačatkovyja asnovy abychodžańnia sa zbrojaj i taktyčnuju miedycynu, — adznačyŭ Šubič.
Pavodle jaho słoŭ, padobnyja vučeńni stanuć rehularnymi — ich płanujuć pravodzić raz u kvartał. A ŭžo da kanca vieraśnia pieršy atrad pačnie dziejničać u Kastryčnickim rajonie stalicy.
— Jaho pieršačarhovaja zadača — padtrymańnie paradku ŭ rajonie, — padkreśliŭ pradstaŭnik Minharvykankama.
U skład padobnych padraździaleńniaŭ zvyčajna ŭvachodziać ludzi, jakija nie mohuć słužyć u siłavych strukturach pa stanie zdaroŭja ci ź inšych pryčyn, ale majuć žadańnie i matyvacyju pracavać u śfiery biaśpieki. Taksama dałučajucca vieterany vajskovaj słužby i byłyja supracoŭniki milicyi.
Kamientary