Kandydat na ministra zamiežnych spraŭ Hiermanii: Rasija chacieła zrabić Ukrainu vasałam jak Biełaruś
Hałoŭnym kandydatam na pasadu ministra zamiežnych spraŭ Hiermanii ličycca niamiecki palityk Armin Łašet, jaki pradstaŭlaje błok CHDS / CHSS. U vialikim intervju Bild Łašet uzhadaŭ i Biełaruś.
Adnosna palityki da Rasii ŭ razmovie z žurnalistami Łašet padkreśliŭ, što ličyć, što ŭ mižnarodnaj palitycy «treba razmaŭlać z usimi». Ale zaŭvažyŭ, što ŭ jaho nikoli nie było ramantyzavanaha staŭleńnia da hetaj krainy.
Palityk nazvaŭ siabie «dzicionkam chałodnaj vajny», dla jakoha Saviecki Sajuz zaŭsiody byŭ impierskaj pahrozaj.
«Metaj rasijskaj vajny było zachapić Ukrainu za try dni, ustalavać tam maryjanietkavy ŭrad i faktyčna znoŭ zrabić Ukrainu vasalnaj dziaržavaj jak Biełaruś. Heta było namieram. Dla Ukrainy pośpiech, što atrymałasia zachavać svaju niezaležnaść, niahledziačy na toje, što Pucin chacieŭ dałučyć da siabie», — skazaŭ jon.
Łašet dumaje, što ŭ Trampa atrymajecca damahčysia pahadnieńnia pa vajnie va Ukrainie.
«Šolca krytykavali za toje, što jon tak šmat telefanavaŭ [Pucinu]. A ciapier raptam usie chočuć sieści za stoł pieramoŭ z Pucinym i Trampam. Heta niejkaja zanadta rezkaja źmiena pazicyi», — adznačyŭ palityk.
Armin Łašet raniej mała vykazvaŭsia pa pytańniach źniešniaj palitycy, ale ŭ 2014 hodzie Die Welt uklučyła jaho ŭ śpis «pucinfierštejeraŭ» — tych, chto «razumieje» Pucina.
Tady ŭ intervju Frankfurter Allgemeine Zeitung jon paskardziŭsia na «antypucinski papulizm». Na dumku Łašeta, «navat kali refierendum u Krymie parušaŭ mižnarodnaje prava, usio roŭna nieabchodna stavić siabie na miesca surazmoŭcy», pisaŭ Centr Karnehi. Da poŭnamaštabnaha ŭvarvańnia Łašet zaklikaŭ «nie demanizavać Pucina».
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści38
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary