Duš uražańniaŭ «Karybski štorm», viertalotnaja placoŭka, spalnia pamieram z dvuchpakajovuju kvateru… Pra toje, jak vyhladaje rezidencyja Łukašenki «Krasnasielskaje» za 40 kiłamietraŭ ad Minska, raskazaŭ «Biełpoł».
Terytoryja, na jakoj raźmieščana siadziba, składajecca ź niekalkich ziamielnych učastkaŭ, jakija byli abjadnanyja ŭ adzin na praciahu niekalkich hadoŭ. Arandataram 11,6 hiektara vystupaje Hałoŭnaje ŭpraŭleńnie pa absłuhoŭvańni dypłamatyčnaha korpusa i aficyjnych delehacyj Upraŭleńnia spravami Łukašenki «Dypservis».
«Dypsiervis» atrymaŭ ziamlu ŭ arendu pa asabistym rasparadžeńni Łukašenki i pačaŭ zdavać jaje ŭ arendu kampanii «SiertusAvia», jakaja naležyć afšornaj pryvatnaj kampanii, zarehistravanaj na Kipry. Abiedźvie kampanii źviazvajuć z rasijskim aliharcham Michaiłam Huceryjevym.
Raniej aliharch śćviardžaŭ, što «Krasnasielskaje» naležyć jamu. Tak, u intervju Tut.by jon kazaŭ, što Łukašenka sam prapanavaŭ jamu stary budynak bazy adpačynku, jakaja znachodziłasia na bałansie Upraŭleńnia spravami. U vyniku jon jaje nabyŭ.
Adnak, jak śviedčać dakumienty, jakija atrymaŭ «Biełpoł», budaŭnictva na terytoryi rezidencyi ažyćciaŭlałasia pad pastajannym nahladam Upraŭleńnia spravami Łukašenki.
Ciapier pa pierymietry rezidencyi raźmieščana kala 60 kamier videanazirańnia. Na terytoryi znachodziacca try bujnyja pamiaškańni.
Ahulnaja płošča doma №1 składaje 730 kvadratnych mietraŭ. Na pieršym paviersie znachodziacca stałovaja, biblijateka, chatni kinateatr, pakoj adpačynku, niekalki haściavych pakojaŭ i zimovy sad.
Na druhim paviersie raźmieščany niekalki vannych pakojaŭ, harderobnaja, spalni i asabisty kabiniet pamieram 78 kvadratnych mietraŭ z asobnym pakojem dla siejfa. Pakoj pamieram 56,5 kvadratnaha mietra adviedzieny pad spalniu Łukašenki.
U cokali budynka raźmieščany adziny na ŭvieś kompleks pakoj achovy. Akramia jaho — tradycyjnaja tureckaja łaźnia, sauna, džakuzi, trenažornaja zała i basiejn pamieram 84,6 kvadratnaha mietra. Pobač znachodzicca ŭvachod u vinny sklep.
Pa słovach «Biełpoła», tolki košt karnizaŭ i štoraŭ u domie №1 składaje 560 tysiač biełaruskich rubloŭ (pa pieršym varyjancie) abo 449 tysiač (pa druhim varyjancie). A ahulny košt štoraŭ, falštoraŭ i markizaŭ, jak śćviardžajuć biełpołaŭcy, składaje ad 236 da 287 tysiač dalaraŭ.
Ahulnaja płošča doma №2, jaki paznačany jak haściavy, składaje 453 kvadratnyja mietry. Na pieršym paviersie raźmieščany niekalki sanvuzłoŭ, stałovaja, haścioŭnia, asabisty kabiniet. Na druhim paviersie raźmieščana niekalki spalniaŭ i harderobnych, sanvuzły, jość terasa i zimovy sad.
Na cokalnym paviersie znachodziacca prastorny basiejn, sauna i tureckaja łaźnia. Jość taksama biljard i trenažorny pakoj.
Dom №3 — samy vialiki na terytoryi rezidencyi. U im znachodzicca restaran, sumieščany z domam prysłuhi. Tam jość pakoj šef-kuchara, pakoj dla aficyjantaŭ, haračy cech, pamiaškańnie dla myćcia stałovaha posudu i asobnaje — dla kuchonnaha, a taksama niekalki spalniaŭ u asobnym kryle doma.
«I ŭsio heta sprajektavana takim čynam, što ŭvieś absłuhovy piersanał moža vykonvać svaje abaviazki, nie traplajučy ŭ pole zroku Łukašenki ci jaho śvity», — zaŭvažajuć rasśledavalniki.
U domie taksama raźmieščany zała pryjomaŭ i biljardny pakoj.
Zhodna z dakumientami, na abstalavańnie bara tolki technikaj dla pryhatavańnia kavy było vydatkavana amal 5 tysiač dalaraŭ.
Da doma №1 padviedziena linija śpiecsuviazi, što śviedčyć ab tym, što rezidencyja pryznačana mienavita dla Łukašenki, a nie dla Huceryjeva.
Pra toje, što kompleks budavaŭsia mienavita dla Łukašenki, uskosna śviedčyć i najaŭnaść na terytoryi viertalotnaj placoŭki, košt jakoj skłaŭ 100 tysiač dalaraŭ.
Akramia žyłych damoŭ, na terytoryi jość SPA-centr z basiejnam (ahulnaja płošča 940 kvadratnych mietraŭ) i dušam uražańniaŭ «Karybski štorm», dom palaŭničaha i rybaka (płoščaj 230 kvadratnych mietraŭ) i haražy.
Žurnalisty «NN» pabyvali ŭ tajamničaj rezidencyi pad Radaškovičami FOTY
«Pa Minsku paŭzuć čutki pra novuju rezidencyju Łukašenki…» — jašče adzin prymityŭny fejk ad «Niazyhara»
Historyja ź minułaha: u dzień sustrečy Łukašenki i Bierazoŭskaha niedaloka ad ściežki, dzie jany pavinny byli iści, znajšli minu
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary
,kał-choźnik? Ničieho utaŝiť na tot śviet nie udastsia. Da i otrod́ju svojemu zavieŝať,nu takoje—Asada sprosi. A vied́ vsieho-to :nado było žiť po-čiełoviečieski,nie ubivať Zacharienko i Hončara .
Nikakuju stranicu «pieraviernuť» nie połučitsia—už śliškom mnoho ty tut fokusov natvorił. Nu jeśli mozhi kał-choznyje,čto už tut.