Papularny rasijski telehram-kanał «Niazyhar» napisaŭ, što pa Minsku paŭzuć čutki pra novuju, užo 19-ju, rezidencyju Alaksandra Łukašenki. Maŭlaŭ, pabudavaŭ jaje dla svajho siabra rasijski miljanier Michaił Huceryjeŭ.
«Kažuć, što majontak dastaniecca Mikałaju Łukašenku. Tenisny kort, viertalotnaja placoŭka, domiki dla achovy i haściej, łaźnia la rečki, jość navat asobny bunkier i aŭtanomnaje siłkavańnie elektryčnaściu. Azdableńniem zajmalisia italjanskija majstry», — piša «Niazyhar».
Usio heta idzie ŭ supravadžeńni zdymka tajamničaj rezidencyi. Kaniečnie, možna było b prosta prajści mima hetaha paviedamleńnia, ale ŭsio ž navat hety post bačyli bolš za 60 tysiač padpisantaŭ.
Nasamreč havorka viadziecca pra siadzibu, jakaja znachodzicca ŭ Maładziečanskim rajonie, pad Radaškovičami. Pra jaje stała viadoma jašče ŭ 2017 hodzie.
Heta siadziba «Krasnasielskaje» raniej jana naležała Kiraŭnictvu spravami prezidenta, a potym pierajšła va ŭłasnaść Huceryjeva.
Znachodzicca siadziba za 40 kiłamietraŭ ad Minska, a ahulnaja jaje płošča składaje 11 hiektaraŭ. «Baza adpačynku ŭ Krasnasielskim abyšłasia ŭ $40 miljonaŭ», — pryznavaŭsia Huceryjeŭ.
Raniej hety katedž źviazvali ź imiem inšaha rasijskaha aliharcha, Barysa Bierazoŭskaha, ale paćvierdžańniaŭ hetamu niama. «Jon tam pabudavaŭ sabie viosku i kajfavaŭ. Biarozy, ruskija žančyny, śviežaje maroziva pa 20 kapiejek, čorny chleb. Jon adčuvaŭ siabie na radzimie», — raspaviadaŭ časopisu Forbes siabar Bierazoŭskaha paśla jaho śmierci.
Voś tak čarhovaja siensacyja ad «Niazyhara» akazvajecca usim viadomaj infarmacyjaj dvuchhadovaj daŭniny.
***
Hladzi taksama: Žurnalisty «NN» pabyvali ŭ tajamničaj rezidencyi pad Radaškovičami
Ciapier čytajuć
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary