Rasijskija dziaržaŭnyja ŚMI apublikavali kadry, na jakich, jak śćviardžajecca, Uładzimir Pucin naviedvaje adzin z kamandnych punktaŭ u Kurskaj vobłaści.
Na prademanstravanych videa Pucin u vajskovaj formie, jaho sustrakaje načalnik Hienieralnaha štaba US RF Valeryj Hierasimaŭ.
Ahienctva TASS padkreślivaje, što Pucin upieršyniu naviedaŭ Kurskuju vobłaść z momantu ŭvarvańnia ŭkrainskich vojskaŭ u hety rehijon, jakoje adbyłosia 6 žniŭnia 2023 hoda.
Valeryj Hierasimaŭ zajaviŭ, što na siońniašni dzień rasijskija vojski kantralujuć bolš za 86% ad płoščy, zaniataj raniej USU ŭ Kurskaj vobłaści. Pa słovach načalnika Hienštaba, za apošnija piać dzion rasijskaja armija ŭziała pad svoj kantrol 24 nasielenyja punkty i 259 kv. km terytoryi.
U svaju čarhu, Uładzimir Pucin zajaviŭ, što Kurskuju vobłaść «treba całkam vyzvalić» i «padumać pra stvareńnie zony biaśpieki ŭzdoŭž dziaržmiažy».
U toj ža čas u niezaležnych rasijskich ŚMI vykazvajucca sumnievy, što videa z Pucinym sapraŭdy źniataje ŭ Kurskaj vobłaści i źviartajuć uvahu na niezvyčajnyja momanty ŭ im. Tak, kamientujučy poŭnaje videa z narady Pucina, vystaŭlenaje supracoŭnikam telekanała «Rasija» Paŭłam Zarubinym, vydańnie «Mieduza» adznačaje:
«Na im u prezidenta Rasii niezvyčajna vysoki hołas, jaki da taho ž nie supadaje z karcinkaj».
Praŭda, u aficyjnym telehram-kanale Kramla paśla vykłali videa vystupleńnia Pucina, na jakim u jaho ŭžo narmalny hołas.
«Buduć vystaŭlenyja nievykanalnyja ŭmovy». U Kramli abmiarkoŭvajuć scenary admovy ad časovaha pieramirja
Tramp zajaviŭ, što jahonyja pradstaŭniki jeduć u Rasiju «prosta ciapier»
Reuters: Pucin naŭrad ci pahodzicca na spynieńnie ahniu va Ukrainie
Pahrozy akružeńnia ŭkrainskich siłaŭ u Kurskaj vobłaści pakul niama — Syrski
«Trapili pad niachiłuju razdaču». Što ciapier adbyvajecca ŭ Kurskaj vobłaści?
«Ci adkažuć za tych, chto zadychnuŭsia?» Rasijskija vajenkary pišuć ab pravale šturmu Sudžy praz hazapravod
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary