Tramp praciahnuŭ handlovuju vajnu suprać Kanady i znoŭ zajaviŭ pra 51-šy štat jak metu
Prezident ZŠA Donald Tramp abjaviŭ pra novyja miery suprać Kanady ŭ adkaz na ŭviedzieny kanadskaj pravincyjaj Antarya 25-pracentny padatak na elektraenierhiju dla Złučanych Štataŭ.
Tramp napisaŭ u svajoj sacsietcy Truth Social, što daručyŭ ministru handlu z 12 sakavika pavysić myty na kanadskija stal i aluminij da 50% i nie vyklučaje ŭviadzieńnia novych abmiežavańniaŭ. Taksama jon zapatrabavaŭ ad Kanady nieadkładna źnizić myty na amierykanskuju małočnuju pradukcyju, nazvaŭšy ich aburalnymi.
«Kali Kanada nie admienić inšyja aburalnyja i daŭno dziejnyja pošliny, 2 krasavika ja istotna pavialiču myty na aŭtamabili, što ŭvoziacca ŭ ZŠA, što, pa sutnaści, nazaŭždy zakryje aŭtamabilnuju vytvorčaść u Kanadzie», — adznačyŭ Tramp.
Pa słovach amierykanskaha prezidenta, «adzinaje, što maje sens, — heta kab Kanada stała našym zapavietnym 51-m štatam».
«Heta pryviadzie da poŭnaha źniknieńnia ŭsich taryfaŭ i ŭsiaho astatniaha. Padatki kanadcaŭ buduć istotna źmienšanyja, jany buduć bolš abaronienyja ŭ vajennych i inšych adnosinach, čym kali-niebudź raniej, bolš nie budzie prablemy paŭnočnaj miažy, a najvialikšaja i samaja mahutnaja kraina ŭ śviecie stanie bolšaj, lepšaj i macniejšaj, čym kali-niebudź — i Kanada budzie hrać u hetym vialikuju rolu», — napisaŭ Tramp.
25%-ja myty Trampa na tavary ź Mieksiki i Kanady, a taksama padvajeńnie raniej zapłanavanych mytaŭ na kitajskija tavary, da 20%, nabyli moc 4 sakavika. Kanada pryniała vyklik amierykanskaj administracyi i ŭstupiła ŭ abvieščanuju joj handlovuju vajnu. U adkaz na novyja taryfy ZŠA Kanada ŭviała 25% pošliny na amierykanskija tavary na sumu 155 miljardaŭ dalaraŭ.
Novym premjeram Kanady stanie były kiraŭnik Banka Anhlii
«No Donald Trump!» Kanadcy pieraśpiavali finskuju pieśniu «Njet Molotov» 1939 hoda
ZŠA nie pieršy raz u historyi viaduć handlovyja vojny. Ci prynosili pośpiech papiarednija?
«Rejhan pieravaročvajecca ŭ trunie». Demakraty daručyli adkazvać Trampu sienatarcy, čyj pradzied uciok u Amieryku z Kojdanava
Kanada adkazała Trampu na myty ŭviadzieńniem svaich. Tramp abiacaje svaje padvoić
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1212
Kamientary