Трамп працягнуў гандлёвую вайну супраць Канады і зноў заявіў пра 51-шы штат як мэту
Прэзідэнт ЗША Дональд Трамп аб'явіў пра новыя меры супраць Канады ў адказ на ўведзены канадскай правінцыяй Антарыа 25-працэнтны падатак на электраэнергію для Злучаных Штатаў.
Трамп напісаў у сваёй сацсетцы Truth Social, што даручыў міністру гандлю з 12 сакавіка павысіць мыты на канадскія сталь і алюміній да 50% і не выключае ўвядзення новых абмежаванняў. Таксама ён запатрабаваў ад Канады неадкладна знізіць мыты на амерыканскую малочную прадукцыю, назваўшы іх абуральнымі.
«Калі Канада не адменіць іншыя абуральныя і даўно дзейныя пошліны, 2 красавіка я істотна павялічу мыты на аўтамабілі, што ўвозяцца ў ЗША, што, па сутнасці, назаўжды закрые аўтамабільную вытворчасць у Канадзе», — адзначыў Трамп.
Па словах амерыканскага прэзідэнта, «адзінае, што мае сэнс, — гэта каб Канада стала нашым запаветным 51-м штатам».
«Гэта прывядзе да поўнага знікнення ўсіх тарыфаў і ўсяго астатняга. Падаткі канадцаў будуць істотна зменшаныя, яны будуць больш абароненыя ў ваенных і іншых адносінах, чым калі-небудзь раней, больш не будзе праблемы паўночнай мяжы, а найвялікшая і самая магутная краіна ў свеце стане большай, лепшай і мацнейшай, чым калі-небудзь — і Канада будзе граць у гэтым вялікую ролю», — напісаў Трамп.
25%-я мыты Трампа на тавары з Мексікі і Канады, а таксама падваенне раней запланаваных мытаў на кітайскія тавары, да 20%, набылі моц 4 сакавіка. Канада прыняла выклік амерыканскай адміністрацыі і ўступіла ў абвешчаную ёй гандлёвую вайну. У адказ на новыя тарыфы ЗША Канада ўвяла 25% пошліны на амерыканскія тавары на суму 155 мільярдаў даляраў.
Новым прэм'ерам Канады стане былы кіраўнік Банка Англіі
«No Donald Trump!» Канадцы пераспявалі фінскую песню «Njet Molotov» 1939 года
ЗША не першы раз у гісторыі вядуць гандлёвыя войны. Ці прыносілі поспех папярэднія?
«Рэйган пераварочваецца ў труне». Дэмакраты даручылі адказваць Трампу сенатарцы, чый прадзед уцёк у Амерыку з Койданава
Канада адказала Трампу на мыты ўвядзеннем сваіх. Трамп абяцае свае падвоіць
Цяпер чытаюць
Мінск, Варшава, Вільня — параўноўваем, дзе прасцей купіць кватэру чалавеку з сярэдняй зарплатай3
Каментары