Tramp padvoiŭ myty na tavary z Kitaju i ŭvioŭ u dziejańnie ŭkaz pra myty dla Kanady i Mieksiki ŭ 25%
Prezident ZŠA Donald Tramp zajaviŭ, što 25% taryfy na tavary ź Mieksiki i Kanady nabuduć moc 4 sakavika, što ŭzmacniła aściarohi z nahody handlovaj vajny ŭ Paŭnočnaj Amierycy i vyklikała rezkaje padzieńnie klučavych pakazčykaŭ finansavych rynkaŭ, piša «Hołas Amieryki».
«Im daviadziecca płacić taryf. Tamu im daviadziecca budavać svaje aŭtamabilnyja zavody, ščyra kažučy, i inšyja pradpryjemstvy ŭ ZŠA, u takim vypadku taryfaŭ nie budzie», — zajaviŭ Tramp, vystupajučy z pramovaj u Biełym domie.
Jon dadaŭ, što dla ździełki, jakaja mahła b dapamahčy paźbiehnuć uviadzieńnia taryfaŭ za košt skaračeńnia patokaŭ fientaniłu ŭ ZŠA, «nie zastałosia miesca».
Taksama 2 krasavika ŭstupiać u siłu «ŭzajemnyja» taryfy dla krain, jakija ŭvodziać pošliny na amierykanskija tavary.
Tramp paćvierdziŭ, što pavysić taryfy na ŭvieś kitajski impart z 10% da 20% u suviazi z tym, što dziejańni Piekina nie pryviali da spynieńnia pastavak fientaniłu ŭ ZŠA.
Tramp rastłumačyŭ heta tym, što Kitaj «nie zrabiŭ dastatkovych krokaŭ dla źmiakčeńnia kryzisu, źviazanaha ź nielehalnymi narkotykami».
Administracyja prezidenta ZŠA paćvierdziła, što taryfy nabuduć moc u aŭtorak u 12:01 pa paŭnočnaamierykanskim uschodnim časie.
Impart z Kanady i Mieksiki budzie abkładacca 25— pracentnymi taryfami, a dla kanadskaha enierhietyčnaha siektara staŭka składzie 10 pracentaŭ.
Ministr zamiežnych spraŭ Kanady Miełani Žoli zajaviła žurnalistam, što Atava hatova adkazać.
«Z Avalnaha kabinieta zychodzić peŭny ŭzrovień niepradkazalnaści i chaosu, i my budziem z hetym raźbiracca», — skazała jana.
Prezident Mieksiki Kłaŭdyja Šejnbaum zajaviła ŭ paniadziełak jašče da vystupleńnia Trampa, što ŭ vypadku ŭviadzieńnia taryfaŭ Mieksika taksama prymie miery ŭ adkaz.
Ciapier čytajuć
Vyzvalili palitźniavolenuju maci čatyroch dziaciej. Jaje mužu prysudzili 24 hady kałonii1
Kamientary
Tamu zša budzie 1:2 z kitajem i rasiejaj ;)