Žycharcy Homiela, što vykinuła sabaku z bałkona, dali try miesiacy aryštu
Abvinavačanaja śćviardžała ŭ sudzie, što ŭsio zdaryłasia vypadkova, ale susied zaśviedčyŭ advarotnaje.
U žniŭni minułaha hoda 43-hadovaja hamialčanka razam ź siabram pryjšła ŭ hości da byłoha sužyciela, jaki viarnuŭsia z zarobkaŭ.
Žančyna zaviała sabačku pa mianušcy Ala jašče padčas adnosin sa svaim byłym sužycielem. Paśla rasstańnia hadavaniec zastaŭsia žyć z mužčynam, a žančyna časam zabirała jaho da siabie. Tak adbyłosia i hetym razam.
Paśla viartańnia dadomu žančyna vyjšła pakuryć na bałkon, uziaŭšy z saboj sabaku. Nieŭzabavie hadavaniec vypaŭ z bałkona i raźbiŭsia.
Abvinavačanaja śćviardžała ŭ sudzie, što ŭsio zdaryłasia vypadkova: nibyta Ala vyrvałasia z ruk, kali jana pačała admachvacca ad dymu cyharety.
Adnak susied z bałkona nasuprać zaśviedčyŭ, što žančyna śpiecyjalna praciahnuła ruki i vypuściła sabaku.
Kali pryjechała milicyja, patrapić u kvateru da žančyny nie atrymałasia — jana nie adčyniała dźviery. Pry hetym, pavodle susiedziaŭ, paśla zdareńnia z kvatery byŭ čuvać śmiech i viasiołyja śpievy.
Sud Savieckaha rajona Homiela pryznaŭ žančynu vinavataj i prysudziŭ da troch miesiacaŭ aryštu. Akramia taho, jana pavinna prajści prymusovaje lačeńnie ad chraničnaha ałkahalizmu.
U zahinułaj u Ślapiancy dziaŭčynie apaznali Janu Kastrankovu2
Kamientary