U Breście ratavalniki vyciahnuli mužčynu z Muchaŭca. Pierad hetym jon dziŭna siabie pavodziŭ
Supracoŭniki MNS paviedamili pra toje, što vyratavali mužčynu, jaki apynuŭsia ŭ ściudzionaj vadzie Muchaŭca. Ale pierad tym jaho bačyli niekatoryja miascovyja žychary, i pavodziny čałavieka ździŭlali, piša BG.Media.
Paviedamleńnie pra zdareńnie na Muchaŭcy pastupiła ŭ Bresckaje abłasnoje ŭpraŭleńnie MNS 13 lutaha ŭ 20.07. Na miesca apieratyŭna prybyli ratavalniki, jakija pabačyli ŭ vadzie 37-hadovaha mužčynu.
«U chałodnaj vadzie na adlehłaści kala 50 m ad bieraha znachodziŭsia źniasileny mužčyna, jon mieŭ patrebu ŭ dapamozie», — raskazvaje adzin z vyratavalnikaŭ.
Da mužčyny padpłyli na vyratavalnaj došcy, dapamahli jamu vybracca na bierah i pieradali miedykam. Z papiarednim dyjahnazam «ahulnaje pieraachaładžeńnie arhanizma» jaho advieźli ŭ balnicu.
Pierad hetym incydentam mužčyna pavodziŭ siabie vielmi dziŭna. Vidavočcy śćviardžajuć, što jon nibyta spačatku zalez na čužy bałkon adnaho z damoŭ, skakaŭ pamiž kvaterami, a zatym, mahčyma, saskočyŭ i pabieh u bok CUMa.
U sacyjalnych sietkach źjavilisia paviedamleńni, što ŭ rajonie CUMa jon biehaŭ bieź vierchniaha adzieńnia, kidaŭsia pad mašyny i navat sprabavaŭ adkryć dźviery aŭtamabilaŭ.
«A ŭ jakim ja była šoku, kali jon pad mašynu kinuŭsia, a potym abbieh jaje naŭkoła i pasprabavaŭ adkryć zadnija dźviery», — piša ŭ sacsietkach žycharka Bresta.
Što mienavita stała pryčynaj takich pavodzin, pakul nieviadoma.
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary