Pieramožcam čaćviortaha siezona šou «Faktar.by» staŭ Vital Bahdanaŭ
Vital — nie prafiesijny artyst. Jaho prafiesijnaja śfiera — drevaapracoŭka.
Čaćviorty siezon muzyčnaha prajekta «Faktar.by» zaviaršyŭsia pieramohaj Volhi Buzavaj i jaje padapiečnaha Vitala Bahdanava, piša Tochka.by.
Usio vyrašyłasia ŭ supierfinale, jaki tranślavaŭsia ŭ pramym efiry pa telebačańni 24 studzienia. Mienavita hledačy pavinny byli vyznačyć, chto z udzielnikaŭ najbolš varty hałoŭnaj uznaharody.
Za pieramohu spračalisia try vykanaŭcy — Samir Jełčyjeŭ i Vital Bahdanaŭ z kamandy Volhi Buzavaj, a taksama Dyjana Łuhina z kamandy Stasa Jarušyna.
Adkryvaŭ šou Vital.
Na kastynhu jon vykonvaŭ pieśniu Supergirl hrupy Reamon. Pa praviłach supierfinału, Vital pavinien byŭ znoŭ vykanać hetuju kampazicyju i pakazać, jak jon raźviŭsia za čas prajekta.
Cikavy fakt: Vital — nie prafiesijny artyst. Jaho prafiesijnaja śfiera — drevaapracoŭka.
Paśla Vitala na scenu vyjšła Dyjana Łuhina z kamandy Jarušyna. 37-hadovaja viadučaja śviataŭ z Baranavič vykanała pieśniu «Luboŭ i adzinota» Łarysy Dolinaj.
Nastupnym vystupaŭ Samir Jełčyjeŭ, 22-hadovy ŭdzielnik z kamandy Buzavaj. Jon vybraŭ pieśniu «Dziaŭčynka, dziaŭčyna, žančyna», jakuju ŭ aryhinale śpiavaje Alaksiej Čumakoŭ.
Pa praviłach konkursu kožny ŭdzielnik pavinien byŭ jašče raz vyjści na scenu i vykanać pieśniu ŭ abranym samastojna žanry.
U vyniku: Vital Bahdanaŭ vykanaŭ pieśniu «Znaješ» — vizitnuju kartku ŭkrainskaha vykanaŭcy Raždena. Samir Jełčyjeŭ vybraŭ «Vulicu ruž» hurta «Aryja». Dyjana Łuhina pradstaviła «Na Tytaniku», jakaja viadomaja pierš za ŭsio dziakujučy Łalicie.
Los udzielnikaŭ vyrašali hledačy, jakija mahli dasyłać SMS abo telefanavać pa śpiecyjalnych numarach u pramym efiry.
Pieramoha dastałasia Vitalu. Jon atrymaŭ klučy ad novieńkaha Belgee i kryštalovuju statuetku, jakija jamu ŭručyŭ kiraŭnik Biełteleradyjokampanii Ivan Ejsmant.
Druhoje miesca pavodle vynikaŭ hałasavańnia zaniaŭ Samir Jełčyjeŭ, treciaje — Dyjana Łuhina.
Ciapier čytajuć
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary