Biełaruskija broniemašyny «Kajman» pakazali na paradzie ŭ Bieninie
1 žniŭnia 2025 hoda ŭ Katanu adbyŭsia parad u honar 65-hodździa niezaležnaści Bienina. Siarod inšaha była pakazana partyja biełaruskich broniemašyn «Kajman», jakija znachodziacca na ŭzbrajeńni bieninskaj armii. Raniej infarmacyi pra prodaž broniemašyn u hetuju afrykanskuju krainu ŭ publičnym dostupie nie było, piša Reform.
Bieninskaje telebačańnie viało pramuju tranślacyju vajennaha paradu, i siarod techniki, jakaja ŭdzielničała ŭ mierapryjemstvie, byli zaŭvažanyja biełaruskija broniemašyny. Sudziačy pa kadrach, na ŭzbrajeńni armii Bienina znachodzicca dzieviać «Kajmanaŭ».
Bienin — nie pieršaja kraina, dzie byli zaŭvažanyja biełaruskija braniravanyja raźviedvalnyja mašyny. U 2018 hodzie ich bačyli na paradzie vajennaj techniki Kot-dJIvuara, nieŭstanoŭlenaja kolkaść «Kajmanaŭ» na listapad 2021 hoda znachodziłasia ŭ Sudanie, niekalki mašyn prademanstravali na vajennym paradzie ŭ listapadzie 2022 hoda ŭ Anhole.
Braniavany transpartnaje srodak «Kajman» byŭ raspracavany na 140-m ramontnym zavodzie ŭ Barysavie i pryznačana dla ŭdziełu ŭ raźviedvalnych i dyviersijnych apieracyjach, patrulavańni i supravadžeńni kałon, praviadzieńni miratvorčych i milicejskich apieracyj, viadzieńni dziejańniaŭ va ŭmovach nadzvyčajnych situacyj.
Sistema achałodžańnia dazvalaje ekspłuatavać mašynu pry tempieratury navakolnaha asiarodździa da +50°S.
Mašyna na 90% składajecca z vuzłoŭ i ahrehataŭ sieryjna vypuščanaj kołavaj techniki vajennaha pryznačeńnia i kamplektujučych biełaruskaj vytvorčaści.
-
«Nie prosta zapalvajem, a adradžajem tradycyju». Lichtarščyk z Bresta raskazaŭ pra mahiju śviatła, huzik na ŭdaču i staradaŭniuju muzyku
-
U vioscy pad Brestam miascovyja žychary rehularna kanfliktujuć z adpačyvalnikami. Dajšło da abstrełu elektramabila
-
Biełaruś zajmaje druhoje miesca pa papularnaści dla studentaŭ z Rasii
Pavietranaja himnastka pakazała zakuliśsie pracy ŭ Biełdziaržcyrku7
Kamientary