Pasły ES sklikanyja na ekstrannuju sustreču ŭ Brusieli paśla samita Pucina i Trampa
Pasły ES sklikanyja na ekstrannuju sustreču ŭ Brusieli paśla samitu Pucina i Trampa. Jana pryśviečanaja situacyi va Ukrainie. Raniej lidary błoku abmierkavali samit z prezidentam ZŠA padčas telefonnaj razmovy, paviedamlaje «Nastojaŝieje vriemia».
Z Trampam razmaŭlali kiraŭnik Jeŭrakamisii Ursuła fon der Lajien, prezidenty Polščy, Finlandyi, Francyi, kancler Hiermanii. Jany dałučylisia da razmovy prezidenta ZŠA i Ukrainy, paviedamili raniej u ES.
Na hetym fonie Donald Tramp raspavioŭ pra vyniki pieramovaŭ u svajoj sacyjalnaj sietcy Truth. Pavodle jaho słoŭ, padčas vizitu Uładzimira Zialenskaha ŭ Vašynhton u paniadziełak moža być uzhodniena trochbakovaja sustreča Trampa, Zialenskaha i Pucina. Na joj moža abmiarkoŭvacca poŭnaje spynieńnie vajny va Ukrainie.
«Usie pahadzilisia, što spynieńnie vajny lepš za pieramirji, jakija časta nie vykonvajucca», — piša Tramp, majučy na ŭvazie svaju razmovu ź Zialenskim i liderami ES i NATA, što adbyłasia paśla samitu ZŠA — Rasija na Alascy. Tramp nazvaŭ minułuju sustreču z Pucinym «vielmi dobraj» i skazaŭ, što damoŭlenaść Zialenskaha z Pucinym moža «zachavać miljony žyćciaŭ».
Pra realnyja damoŭlenaści, dasiahnutyja na Alascy, pa-raniejšamu ničoha nie viadoma.
Ciapier čytajuć
U daždžavikach i pa kalena ŭ hrazi. Čynoŭnikaŭ u doždž pahnali na subotnik, sam Łukašenka nie pajšoŭ31
U daždžavikach i pa kalena ŭ hrazi. Čynoŭnikaŭ u doždž pahnali na subotnik, sam Łukašenka nie pajšoŭ
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary