Na Hrodzienščynie pabačyli niezvyčajnaha busła. Nie bieły i nie čorny, a šery FOTAFAKT
Niezvyčajnaha busła 10 žniŭnia zaŭvažyła Śviatłana Pańkova na poli kala trasy Hrodna-Lida. I heta nie čorny busieł, a bieły busieł ź niezvyčajnaj afarboŭkaj, piša telehram-kanał «Dzikaja pryroda pobač».
Žančyna piša:
«Ubačyŭšy takoha čarniavieńkaha busła, uzradavałasia: O! Čorny busieł! Pryhledzieŭšysia, zrazumieła, što nie jon… Potym padumała, što heta zvyčajny busieł tak vypeckaŭsia. Ale nie, nastolki idealna nie vypeckaješsia. Heta była takaja afarboŭka!
Zvyčajnyja biełyja busły padlatali da jaho ź cikavaściu i tut ža šarachalisia ad jaho… Hety busieł-mułat tak i trymaŭsia asabniakom… Čarada jaho nie pryniała… A ŭvohule, čaho tolki pryroda nie stvoryć!»
Śpiecyjalisty miarkujuć, što heta redkaja koleravaja abieracyja (mutacyja). Mahčyma, u ptuški miełanizm — praźmiernaja kolkaść čornaha pihmientu (miełaninu) u piorach, što daje šeraje abo dymčataje adcieńnie zamiest biełaha.
Kamientary