Da 25 čałaviek na miesca. U Minadukacyi raskazali pra samyja vysokija bały i konkursy
Pieršy namieśnik ministra adukacyi Alaksandr Bachanovič raspavioŭ BiełTA pra maksimalnyja konkursy i prachadnyja bały na śpiecyjalnaściach biełaruskich VNU.
Padčas pryjomnaj kampanii ŭ VNU Biełarusi pa šerahu śpiecyjalnaściaŭ adznačany rost prachadnych bałaŭ. Maksimalny prachadny bał zarehistravany ŭ Biełaruskim dziaržaŭnym univiersitecie na śpiecyjalnaści «mižnarodnaje prava» — jon skłaŭ 398. Na bał mienš spatrebiłasia tym, chto pastupaje ŭ tuju ž VNU na śpiecyjalnaść «mižnarodnaja ekanomika i handal».
Kab pastupić u Biełaruski dziaržaŭny ŭniviersitet infarmatyki i radyjoelektroniki na śpiecyjalnaść «elektronnaja ekanomika», treba było nabrać 395 bałaŭ.
U BDU dla «mižnarodnaj kanfliktałohii» nieabchodna było 394 punkty, dla «ekanamičnaj infarmatyki» — 393, dla «mižnarodnaj łahistyki» — 393.
Kab vučycca na stamatołaha ŭ Biełaruskim dziaržaŭnym miedycynskim univiersitecie, treba było nabrać 392 bały. Prachadny bał u 391 punkt byŭ zafiksavany ŭ BDU na śpiecyjalnaści «mieniedžmient» i ŭ BDUIR na śpiecyjalnaści «ličbavy markietynh». Budučyja stamatołahi dla vučoby ŭ VDMU nabrali ad 390 bałaŭ.
«Vialiki konkurs skłaŭsia na śpiecyjalnaść «hrafičny dyzajn i multymiedyadyzajn» u Hrodzienskim dziaržaŭnym univiersitecie imia Janki Kupały (HrDU) — 25,8 čałavieka na miesca. Na hetuju ž śpiecyjalnaść u BDU konkurs skłaŭsia 13,8 čałavieka na miesca.
Na «mižnarodnym pravie» Viciebskaha dziaržaŭnaha ŭniviersiteta imia Mašerava konkurs skłaŭ 11,5 čałavieka na miesca, na «biznes-administravańni» BNTU — 10, na «pravaznaŭstvie» HrDu imia Ja.Kupały — 8,3 (na hetuju ž śpiecyjalnaść u Brescki dziaržaŭny ŭniviersitet imia Puškina — 6,7 čałavieka na miesca), na «psichałohiju» HrDu imia Ja.Kupały — 7 čałaviek na miesca, na «inžyniernuju ekanomiku» — Homielski dziaržaŭny technałahičny ŭniviersitet imia Suchoha — 6,9.
Taksama siarod śpiecyjalnaściaŭ z vysokimi konkursami — «ahrabiznes» Biełaruski dziaržaŭny ahrarny ŭniviersitet «Ekanomika i kiravańnie» HDTU imia Suchoha, «łahistyka» Brescki dziaržaŭny technałahičny ŭniviersitet, «raspracoŭka i ekspłuatacyja naftavych i hazavych radoviščaŭ» HDTU imia Suchoha.
Akramia taho, vyraśli konkursy i prachadnyja bały na śpiecyjalnaści naturalna-navukovaha i inžyniernaha profilaŭ», — raspavioŭ Alaksandr Bachanovič.
Ciapier čytajuć
Prakuratura choča, kab milicyja bolš žorstka karała chatnich tyranaŭ: patrabujuć aktyŭniej vykarystoŭvać achoŭnaje pradpisańnie1
Kamientary