U EHU možna pastupić u mahistraturu na pierśpiektyŭnuju jeŭrapiejskuju śpiecyjalnaść. Raskazvajem jak

Umovy pastupleńnia ŭ mahistraturu ŭ EHU

Pastupić u mahistraturu mohuć ludzi z vyšejšaj adukacyjaj niezaležna ad taho, kali i ŭ jakoj krainie jany skončyli navučańnie.

Navučańnie pa prahramie «Hiendarnyja daśledavańni» adbyvajecca na anhlijskaj movie, tamu patrebny vysoki ŭzrovień anhlijskaj (B2 i vyšejšy). Zaličeńnie pravodzicca biez ustupnych ekzamienaŭ, na padstavie matyvacyjnaha sumoŭja i paćviardžeńnia ŭzroŭniu anhlijskaj movy.

Druhoje patrabavańnie — siaredni bał atestata ŭniviersiteta nie nižejšy za 8, dzie 60% — heta bał dypłomnaj pracy, a 40% — ahulny siaredni bał padčas navučańnia na bakałaŭryjacie.

Navučańnie na anhlijskaj rychtuje vypusknikoŭ da pracy na mižnarodnym uzroŭni.

Na kaho raźličanaja hetaja prahrama?

U EHU adznačajuć, što vypuskniki mahistarskaj prahramy «Hiendarnyja daśledavańni» mohuć prymianiać svaje viedy ŭ značna šyrejšym śpiektry prac, čym heta moža padacca na pieršy pohlad.

Takija śpiecyjalisty mohuć być zapatrabavanyja nie tolki ŭ hramadskim siektary i pravaabarončych strukturach. U ekśpiertach pa hiendarnaj tematycy taksama majuć patrebu dziaržaŭnyja orhany, mižnarodnyja arhanizacyi i miedyja.

Biznes časam taksama źviartajecca pa kansultacyi da ekśpiertaŭ pa pytańniach hiendarnaj roŭnaści i inkluzii, adznačajuć u EHU.

Mnohija vypuskniki prahramy pracujuć u mižnarodnych arhanizacyjach, dzie nie tolki kansultujuć jak ekśpierty, ale i vykonvajuć mieniedžarskija funkcyi.

Akramia taho, na kursach pa sacyjalnaj teoryi, kolkasnych i jakasnych mietadach daśledavańnia studenty atrymlivajuć navyki zboru, apracoŭki i analizu danych, a taksama pracy ź miždyscyplinarnymi prablemami.

Siarod tych, kamu moža być karysnaja takaja adukacyja, taksama nazyvajuć HR-śpiecyjalistaŭ.

Univiersitet adznačaje, što mnohija siarod tych, chto vybiraje navučańnie ŭ mahistratury pa prahramie «Hiendarnyja daśledavańni», majuć adukacyju ŭ halinie psichałohii i psichaterapii.

Takoje dadatkovaje navučańnie dazvalaje im akazvać bolš jakasnyja pasłuhi i pracavać z usimi hrupami ludziej, pakolki bolšaść daśledavańniaŭ i ekśpierymientaŭ pa psichałohii pravodziłasia ŭ asnoŭnym z mužčynami.

Mahistarskaja prahrama «Hiendarnyja daśledavańni» ŭvasablaje pryncyp miždyscyplinarnaha padychodu — na joj vyvučajucca roznyja aśpiekty sacyjałohii, antrapałohii, palityčnaj kamunikacyi, prava, fiłasofii i inšych navuk. Heta ŭzmacniaje karjernyja pierśpiektyvy budučych mahistraŭ i dazvalaje hnutka padyści da vybaru temy i kirunku mahistarskaha daśledavańnia, jakoje moža mieć praktyčnaje prymianieńnie ŭ raźvićci karjery.

Siarod pieravah navučańnia mienavita ŭ EHU možna adznačyć, što ŭniviersitet nie patrabuje ad abituryjentaŭ mieć stupień bakałaŭra ŭ hetaj ža halinie (u našym rehijonie składana atrymać stupień bakałaŭra pa hetaj śpiecyjalnaści).

Pavialičyć

Jak adbyvajecca navučalny praces

Zručnaść navučańnia ŭ mahistratury zaklučajecca ŭ tym, što čałaviek padčas navučańnia moža praciahvać pracavać, bo zaniatki ŭ asnoŭnym adbyvajucca anłajn i ŭviečary. Zvyčajna heta 1—2 pary niekalki razoŭ na tydzień. Termin navučańnia — 1,5 hoda (3 siemiestry).

Prahrama mahistratury «Hiendarnyja daśledavańni» maje miždyscyplinarny charaktar. Studenty atrymlivajuć viedy ŭ sacyjałohii, pravie, psichałohii, fiłasofii i kultury. 

Navučańnie pa hetaj prahramie daje šyrokija praktyčnyja viedy ŭ sučasnaj sacyjałohii. Vypuskniku prysvojvajecca kvalifikacyja mahistra sacyjalnych navuk. 

Finansavyja pytańni

Studenty mahistratury EHU mohuć na konkursnaj asnovie pretendavać na hranty i stypiendyi ad univiersiteta i ŭrada Litvy.

Mahistrant moža pražyvać u luboj krainie — u Biełarusi, Polščy abo dzie-niebudź jašče. Pry hetym univiersitet dapamahaje z atrymańniem vizy, a paśla — litoŭskaha DNŽ, jaki daje prava nie tolki naviedvać Vilniu dla vučoby, ale i žyć i pracavać u Litvie. Možna navat zajmacca indyvidualnaj dziejnaściu (anałah IP u Biełarusi).

Padać dakumienty možna da 24 žniŭnia ŭklučna. Dla pastupleńnia ŭ EHU nie patrabujucca apastyli na dakumienty.

Zapisacca na kansultacyju i bolš padrabiazna vyvučyć mahčymaści navučańnia ŭ EHU možna na sajcie ŭniviersiteta, a taksama źviazaŭšysia z pradstaŭnikami ŭstanovy pa telefonie +370-644-96-317 (Viber, Telegram, WhatsApp). Abo pa elektronnaj pošcie [email protected].

• 0
• 0
• 1
• 0
• 0
• 0
• 0
• 0