Biełarusa vydalili z bazy Interpała, dapamoh Ofis Cichanoŭskaj
Mužčyna bolš nie znachodzicca ŭ bazach Interpała.
U 2020 hodzie Aleh (imia źmieniena) mirna pratestavaŭ suprać falsifikacyjaŭ vybaraŭ. U 2022-m jaho abviaścili ŭ vyšuk, zatrymali, katavali i kanfiskavali dakumienty. Paśla hetaha Aleh vyjechaŭ ź Biełarusi i atrymaŭ abaronu ŭ Polščy, paviedamlaje Ofis Cichanoŭskaj.
U 2024-m polskaja palicyja zatrymała jaho pa sfabrykavanym abvinavačańni Interpała. Ale polski sud admoviŭsia vydavać jaho režymu, pryznaŭšy, što jaho čakaje realnaja pahroza katavańniaŭ, biesčałaviečnaha abychodžańnia i parušeńnia asnoŭnych pravoŭ u Biełarusi.
Jurydyčnaja kamanda Ofisa padała aficyjny zapyt u Kamisiju pa kantroli fajłaŭ Interpała (CCF) z poŭnym pakietam dokazaŭ i jurydyčnym abhruntavańniem.
U vyniku: 8 žniŭnia Hienieralny sakrataryjat Interpała aficyjna paćvierdziŭ: Aleh bolš nie znachodzicca ŭ bazach Interpała, a 12 žniŭnia Kamisija CCF zamacavała hety vynik aficyjnym listom.
«Sproby režymu vykarystoŭvać Interpał dla pieraśledu niazhodnych — heta nie tolki złoŭžyvańnie mižnarodnym pravam, ale i pramaja pahroza biaśpiecy biełarusaŭ u vyhnańni. My budziem supraćdziejničać hetamu na kožnym etapie i zaklikajem źviartacca da nas u padobnych vypadkach», — skazaŭ Leanid Marozaŭ, daradca Śviatłany Cichanoŭskaj pa pravavych pytańniach.
Ciapier čytajuć
Pobač z Łukašenkam na chakiei źjaviłasia novaja pryhažunia10
Kamientary